Qırımda BMTİP Temsilciligi açıldı

11.05.20160:19

2010 senesi dekabr 14-da Ukrainağa öz ziyareti çerçivesinde BMT İnkişaf programmasınıñ yolbaşçısı ve dünyada BMT sistemasında üçünci basamaq şahıs Helen Klark Qırım Muhtar Cumhuriyetini ziyaret etti.

BMTİP Memurnıñ yarımadağa ziyareti Ukrainada ve Qaradeñiz regionında Qırımnıñ startegik emiyetini qayd ete. BMT İnkişaf programması regionda 1995 senesinden çalışa ve ileride de Muhtar Cumhuriyetiniñ inkişafı içün çalışmaq niyetindedir.

 

“BMTİP añlay ki, bazı ağırlıqlarğa baqmadan, evelde halqara yardımını talap etken suallerniñ çezilüvindeki mesuliyetlikni ukrain devleti bugün özüne alıp ola. Bunınen beraberyahşı tarafqa deñişmelerni, vatandaş cemiyeti, akimiyet qurumları ve şahsiysektor arasındaki munasebetlerni pekitmek kerek. Regionğa investitsiyalar kelüvine qol tutmaq kerek, bunınen içtimay-iqtisadiy ve gumanitar inkişaf teminlenecek”, — qoştı musafir.

Regionnıñ analitik ve ekspert potentsialını yükseltmek ve qanuncılığını mukemmelleştirmek içün, BMTİP insan havfsızlığı ve inkişafınıñ monitoringi ve talili, regional inkşaf ve investitsiyalarnıñ celp etilmesi, yerli inkşafnıñ işletilmesi kibi saalarda leyhalarnı ömürge keçire. Ondan da ğayrı, köy ve şeer cemiyetleri, yaşlar ve qadınlar teşkilâtlarınen iş devam ete.