Yañı ilmiy araştırma

11.05.20160:19

2010 senesi fevaral ayında Berlinde, Humbolda üniversitetinde belli özbek alimi Zaynabidin Abdiraşıdov ‘ İsmail Gasprinskiy ve Turkestan XX asırnıñ başında: bağlar-munasebet-tesir’ mevzusında dissertatsıyanı qorçaladı. Mezkür iş alimniñ 6 yıl devamında tetanatlı emegi, hususan Almaniyada keçirilgen araştırmalarnınıñ neticesidir.

Bugünde, Zaynobidin bey, alman aliy oquv yurtlarnıñ umumiy qanunlarına binaen, Özbekistanda öz dissertatsıyanı kitap şeklinde neşir etilmesine azırladı.

 

Zaynabidin Abdiraşidov, yaş ve istidatlı özbek alimi olaraq, 2003-2004 seneleri Orta Asiya boyunca Qırımtatar Meclis temsilciliginen beraber 2005 senesi neşir etilgen ‘İsmail Gasprinskiy ve Turkestan’ kitabına malümat azırlamasında iştirak etti. Bu kitapta Gasprinkiyge bağışlanğan Naim Karimov, Şerali Turdıyev, Sırocıdin Ahmedov, Boybuta Dostkorayev, Bahodir Kairmov, Begali Kasımov, Abdukadır Haytmetov kibi belli alimlerniñ maqaleleri derc olundı.

Bugünde Zaynabidin bey Özbekistan Milliy üniversitetiniñ özbek filologiya fakultetinde ocalıq yapa, İsmail Gasprinskiy aqqında araştırmalarını devam ete.

Ali Hamzin