THMT Prezidiumnıñ oturışı

11.05.20160:19

 

2010 senesiniñ 5-7 fevral künleri THMT (Temsil etilmegen Halqlar ve Milletler Teşkilâtı) yanındaki Qırımtatar Milliy Meclis temsilcisi Abduraman Egiz İtaliyanıñ paytahtı Rimde keçirilgen THMT Prezidiumnıñ nevbetteki 8-ci oturışında iştirak etti (www.unpo.org).

Teşkilâtnıñ nevbetteki oturışı THMT’nıñ keçken senedeki işne yekün çekilmesi ve 2010 senesine faaliyetiniñ planlaştırılmasına bağışlanğan edi. Kün tertibinde kirmek içün halqlar-namzetlerniñ arizaları, bazı halqlar-iştirakçilerniñ statusı (çünki THMT’de iştiraknıñ şartı – halqlar-iştirakçilerniñ zorbalıqsız küreş usulı), temsilcilekniñ uquqlığı ve THMT ögünde alınğan vazifelerniñ becerilmesi baqıldı.

2010 senesine faaliyetiniñ ögde turğan yonelişlerniñ birisi – qoyulğan vazifelerniñ çezilüvine Avropa institutsiyalar ve BMT’nıñ kompetent bölükleriniñ celp etilmesidir. THMT’nıñ nevbetteki General Assambleyanı Rimde 2010 senesiniñ mayıs ayında keçirmek qararı qabul etildi.

Oturış programması çerçevesinde vatandaşlıqsız şahıslarına, qaçaqlar aqlarına ve mecburiy qaytarmanıñ yapılmamaq rintsipine bağışlanğan “Qaçaqlar qaytarılması: İşkencege ekstraditsiya” mevzusında tögerek masa keçirildi. Konferentsiyada İtaliya Parlamentiniñ deputat korpusı temsilcileri iştirak ettiler. Prezidium oturışı ve Konferentsiya İtaliya Senatınıñ deputat korpusı temsilcileriniñ qol tutuvı ile keçirildi.

Meclisniñ Matbuat hızmeti