2011 senesi 19 fevral künü Cürçi qasabasınıñ bala-gençler sport mektebiniñ binasında qırımtatar milliy areketniñ iştirakçisi, Cürçi regional meclsiniñ birinci reisi Marlen Nebiyevniñ hatırasına bağışlanğan santıraç yarışı keçirildi. Tedbir qırımtatar halqınıñ yerleşüvine büyük isse qoşqan şahsiyet olaraq M.Nebiyevniñ hatırasını ebediyleştirmek ve santıraç oyunnı eali arasında propaganda etmek maqsadınen teşkil etildi.
Yarışnıñ teşkilâtçıları – Cürçi regional meclisi ve “Kolos” Cürçi teşkilâtı, Cürçi RDM ve yerli öz-özüni idare etüv qurumlarınıñ qol tutuvı ile.
Yarışta 40 yaqın insan iştirak etti, şu cümlede yerli yarışlarnıñ ğalibleri. Birinci yerni — rayonda belli santıraç ustası Suleymanov Enver, ekinci yerni – Suleymenov Ruslan, üçünci yerni Kobets Anatoliy qazandılar. Olar fahriy yarlıqlar ve para mukâfatlarnen taqdirlendiler.
Regional meclisniñ
Reisi
R.A.Sayitablayev