İsveçiya Qırallığınıñ Tış işler naziri Karl Bildt saylav qanunlarınıñ hususiyetleri aqqında

11.05.20160:19

2011 senesi sentâbr 17 künü Aqmescitte olıp keçken körüşüvde Ukrainada İsveçiya Qırallığınıñ Fefqulâde ve Murahas elçisi Stefan Gullgren ve Bütündünya Qırımtatar kongressiniñ Prezidenti, Meclis Reisiniñ birinci muavini Refat Çubarov da iştirak ettiler.

Karl Bildt qayd etti ki, Yaltadaki forumda iştirakini planlaştıraraq, “Qırım ve qırımtatar halqınıñ ayatında olıp keçken soñki vaqialarnen” tanış olmaq maqsadı ile Meclisnen de körüşmege istegini bildirgen edi.

Mustafa Cemilev Qırımda ve Ukrainada olıp keçken vaqialar aqqında tarif eterek, 2010 senesi yerli saylavlar neticelerinde ve Qırımtatar Milliy Meclisniñ akimiyet ile munasebetlerinde toqtaldı.

Ukraina saylav qanunlarını muzakere eterek, Karl Bildt devlet ükümetinde ve yerli akimiyet organlarında qırımtatarlarnıñ temsilciliginiñ kefaletini teminlegen uquqiy mehanizmlerniñ olmağanını qayd etti.

Karl Bildtniñ fikrine köre, “Kiyev qırımtatarlarnıñ sesini eşitmek kerek”, demek, Ukrainada qarışıq saylav sistemasını ğayrıdan baqıp çıqmaq kerek.

Mustafa Cemilev ve Karl Bildt Qırımtatar halqınıñ öz Vatanında aq-uquqlarınıñ tiklenüvi, Ukrainada inkşafınıñ kefaleti ve havfsızlığınıñ teminlevi meseleleri halqara forumına azırlıqnı da muzakere ettiler. Bunıñen beraber, Stefan Gullgren Meclisniñ diplomatik missiyalar ve halqara teşkilâtlar temsilciliklerniñ yolbaşçıları ile 2011 senesi oktâbr 5 künü olacaq körüşüvinde iştirak etmege azırlığını bildirdi.