25 oktâbr künü Aqmeçit rayonı Yarılğaç (Mejvodnoye) köyünde köy şurasınıñ qırımtatar deputatlarınıñ teşebbüsi ile Sovet Birliginiñ eki defa Qaramanı Amet-Han Sultannıñ doğğan kününe bağışlanğan tedbir keçirildi.
Amet-Han Sultannıñ adını bilmegen qırımtatar yoq. Yıllar keçer, amma Amet-Han kibi insanlar daima halqınıñ aqılında qalırlar.
Bu munasebet ile, çoqusı şeer, rayon, köylerde Amet-Hannıñ hatırasına bağışlanğan tedbirler keçirildi. Aqmeçit rayonınıñ Yarılğaç (Mejvodnoye) köyü de istisna degil. Tamam bu köyde Amet-Han Sultannıñ adını taşığan soqaqnıñ başında qaraman şerefine qoyulğan hatıra tahtanıñ açıluvı keçirildi.
Tedbirni Yarılğaç köy meclisiniñ reisi Şevket Smailov açtı.
Tedbirde Yarılğaç köy şurasınıñ kâtibi Smirnova Liya Aleksandrova, köy aksaqalları ve büyükm ürmetke saip olğan Kazakov Reşat ağa ve Seyveliyev Baqi ağa sözge çıqtılar. Öz çıqışlarında bu tahtanıñ qoyuluv maqsadını ve halqımız iün olğan emiyetini añlattılar.
Yarılğaç köyünde hatıra tahtası – köy şurasınıñ qırımtatar deputatları tarafından qoşulğan birinci ve yekâne isse degildir. Ve, inşaAllah, soñki degil.
Aliye Veli