Yunesko yolbaşçılığı altında 2014 senesi İsmail Gasprinskiyge bağışlanğan tedbirler keçirilecek, Aq-Yardaki yekâne cami ise öz 100 yıllığını qayd etecek.

11.05.20160:19

26-ncı dekabr künü Milliy Meclis yolbaşçışığı ve Meclis idareleriniñ reisleri, Qurultay delegatları, yerli milliy öz -özüni idare etüv organları, yerli keñeş ve Aq Yar regionınıñ müsülman cemiyetleriniñ reislerinen toplaşuv keçirildi.

Milliy Meclis reisiniñ muavini Zaur Smirnov böyle kibi körüşüvler 2014 senesi de yer alacağını bildirdi. Toplaşuvlar neticesinde Aqmescitte bütün regionlar temsilcilerinen körüşip, qırımtatarlarınıñ milliy öz- özüni idare etüv organlarınıñ 2014 senesine strategiyasını muzakere etmege planlaştırıla.

Milliy Meclis idare reisi Emine Avamileva tasil, ilim ve medeniyet meseleleri boyunca OON Teşkilâtı (Yunesko) ögümizdeki 2014 senesini ulu erbabımız İsmail Gasprinskiyniñ hatıra yılı olaraq ilân etti ve bu munasebetnen regional meclisiniñ vazifeler cedveline bir sıra tedbirlerniñ keçirilmesini kirsetmege rica etti.

Bundan da ğayrı, toplaşuvda 2014 senesi Aq Yarda yekâne olğan caminiñ 100 yıllığı munasebetinen tedbir keçirmege planlaştırılğanı aqqında bildirildi. Mezkür cami bir çoq yıllar devamında arbiy arhiv olaraq hızmet ete edi. Türkiye hükümetiniñ yardımınen cami tamir etildi ve yanında medrese açıldı.