27 iyün künü Meclis delegatsıyasınıñ azaları Bundestagda fraktsiyalarara alman-ukrain parlament gruppasınıñ yolbaşçısı Berbel hanım Kofler ile körüştiler. Mezkür körüşüvde Almaniya parlamentiniñ deputatı, fraktsiyalarara alman-ukrain parlament gruppasınıñ azası Karin hanım Ştrents, Almaniya Bundestag protokol hızmetiniñ hadimleri de iştirak ettiler. Subet devamında artıq 20 yıldan ziyade zorluqlar çekip, vatanında qaytqan ve yerleşken qırımtatar halqı öz haqlarınıñ tiklenilmesine Ukraina ve Avropa Birliginiñ devlet azalarınen işbirlik esnaslarnıñ kenişlegenine ümütlerini bağlay.
M.Cemilev qayd etkenine köre, şimdi Ukraina ileri ketken demokratiyalarnıñ ameliy tecribeleri ve OON, AB, AK, OBSYE kibi nufuzlı halqara teşkilatlarınıñ destegine muhtac. Körüşüv iştirakçileri qırımtatar haqlarınıñ tiklenilmesi ve Ukrainada inkişaf kefaleti ve havfsızlıqnıñ temin etilmesi boyunca Halqara Forumnıñ azırlanılması ve keçirilmesine ayrıca diqqat ayırıldılar.
Bundestag deputatı K.Ştrents qayde tkenine köre, Avropa birliginiñ azaları içün demokratik printsıplerniñ inkişafı ve milliy azlıqlar, tamır halqlar ve haqlarınıñ tiklenilmesi cemaatçılıq inkişafınıñ esas printsiplerinden biridir. Olarnıñ fikrince, Avropa Birligine kirmege istegen devletler içün añılğan printsipler esas talaplar sayılır. ‘Onıñ içün- alman deputatları devam eteler- Halqara forumnı keçirmek zarurulığına qoltutamız ve qırımtatar haqlarınıñ tiklenüv şekilleriniñ araştırılmasında iştirak etmege azırmız.’
Mustafa Cemilev Bundestag deputatlarını Qırımğa davet etti.