3-8 avgust künlerinde, «BernardenGarden» kompleksinde, «MezzoDrom» interaktiv medeniy leyha çerçivesinde qırımtatar medeniyeti aftasınıñ ötkerilmesi planlaştırıla.
Tedbir vaqtında musafirlerniñ professional yırcı ve oyuncılar icrasında ananeviy qırımtatar türküleri ve oyunlarını seyir etip zevqlanmaq, ananeviy qırımtatar emeklerini aşap baqmaq kibi imkânları ola bilir. Seyirciler çoq asırlıq qırımtatar ananelerine dalmaq içün qırımtatar emeklerini pişirüv boyunca masterklasstan keçe bilirler, qızlarğa «Hna gecesi» merasiminde iştirak etmek, erkeklerge ise – « Yavluq oyun»ında kendi mayışqaqlıq ve marifetini köstermek teklif eterler. Aynı zamanda medeniy aqşamnıñ musafirleri qırımtatarlarnıñ zemaneviy sanatı ve edebiyatınıñ vaziyeti aqqında haber alırlar. Bir filcan qave içip, olar sanatçılar, jurnalistler, tarihçiler ve Qırımnıñ içtimaiy teşkil yatlarınıñ temsilcileri ile munasebette buluna bilirler.
Tedbir Lvovdaki «Ğayeler Muzeyi» teşkilâtı, ve aynı zamanda Lvov ve Aqmescitniñ teşebüskâr gençligi taraflarından teşkil olundı. Bu kezintige Emine Mustafaeva, Afize Yusuf qızı, Arsen Bekirov, «Qırım» ansambliniñ temsilcileri, ve tarihçiler, sanatçılar, milliy aşhane ustaları azırlıq köreler.