Sermiya yetişmemezligi

11.05.20160:19

9 iyül künü 2010 senesi Qırım Muhtar Cumhuriyeti milletlerara munasebetler ve sürgün etilgen vatandaşlarnıñ işleri boyunca Cumhuriyet komiteti yanında edebiyatnı neşir etüvi boyunca Ekspert- konsultativ keñeşiniñ toplaşuvı olıp keçti.

Toplaşuvda 2010 senesi QMC-niñ sermiyalarına neşir etilmesi közde tutılğan edebiyat cedveli boyunca mesele muzakere etildi. Sürgün etilgen vatandaşlarnıñ içtimaiy-medeniy inkişafı boyunca tedbirler planı ile oquv edebiyatınıñ neşirine 300 biñ grv., bediy ve diger edebiyatınıñ neşirine 100 biñ grv. közde tutılğan. Sermiyanıñ sıñırlı olğanı ve elyazmalar sayısı çoq olğanı sebebinden Ekspert- konsultativ keñeşiniñ azaları berilgen elyazmalarını tafsilãtlı ögrengen soñ 2010 senesine neşir etilmesi içün tevsiye etilgen edebiyatnıñ tam cedvelini tasdiqlamağa qarar berdiler.
Toplaşuv ketişatında Ekspert- konsultativ keñeşiniñ azaları 2010 senesi 15 avgustqa qadar ögrenilmesi içün tapşırılğan elyazmalar ile tanışuv müddetini de belgilediler.