Meclis delegatsiyası Almaniyada korüşüvler keçirdi

11.05.20160:19

Almaniyağa iş ziyareti çerçivesinde Qırımtatar Milliy Meclisi delegatsiyasınıñ azaları bir sıra müessiseler ve teşkilâtlar temsilcilerinen olarnı qırımtatar halqınıñ tarihı, meseleleri, Qırımtatar halqınıñ öz Vatanında aq-uquqlarınıñ tiklenüvi, Ukrainada inkşafınıñ kefaleti ve havfsızlığınıñ teminlevi sualleri boyunca halqara forumğa azırlıq işlerinen tanıştırmaq maqsadı ile körüştiler. Körüşüvler sırasında Genrih Bell fondunda körüşüv, ekspertler, tedqiqatçılar, “Birlik 90/Yeşiler” partiyasınıñ temsilcileri Cem Özdemir ve Viola fon Kramonnen körüşüvler keçirildi.

Körüşüvler iştirakçileri olarnıñ Ukraina ve Qırımda kerçekleştirgen leyhalar aqqında tarif ettiler. Öz çıqışlarında olar ayrıca Qırımğa öz merağını bildirip, leyhalarda qırımtatar içtimaiy teşkilâtlarnıñ iştiragini istegenlerini ayttılar.

Cem Özdemir ve Viola fon Kramon Almaniyada ve Avropa parlamentinde, 2011 senesi oktâbr ayına planlaştırılğan Ukrainağa ziyaretleri vaqtında ukrain siyasetçilernen qırımtatar meselesini muzakere etmege azır olğanlarını bildirdiler.

Alman-qırımtatar dialogı künleri programmasında evelde qayd etilgeni kibi, Mustafa Cemilev “Qan tökülmeden vatannıñ qaytarılması” maruzasınen çıqışta bulundı, soñra körüşüv iştirakçilerniñ suallerine cevap berdi.

Körüşüv devamında Mustafa Cemilev ve delegatsiyanıñ diger iştirakçileri sübetdeşlerine qırımtatarlarnıñ meseleleri aqqında haber berdiler, olar ise, öz nevbetinde, qırımtatar halqınen meraqlanıp, elinden kelgenleri qadar yardım etmege azır olğanlarını bildirdiler.