Astana şeerinde (Kazakistan) 2011 senesi 22-30 iyül künleri gençler arasında boks boyunca dünya çempionatında Arsen Ablayev (trenerleri – Rustem Bekirov, Viktor Lasenko) 57 kg kategoriyasında tunç medalni qazandı.
Finalnıñ 1/8’de Arsen 16:9 esabınen belorus boksçı Aleksey Borisovnı yeñdi, 1/4’te – rus sporçısı İlias İsayevni – 13:10, ve yarıfinalda korayalı İn-puo Hondnen tutuşacaq edi.
Yazıq ki, bu tutuşuvda Arsen birincilikni qazanamadı. Neticede 13: 12 esabı ile ğalebeni finalğa çıqqan Hond qazandı, Arsen ise çempionatnıñ tunç ğalibi oldı.
Tasil ve ilim, yaşlar ve sport naziri Vitalina Dzoz qayd etti ki, boks sport çeşiti Qırımda birinci sırad aturmaqta, ve Arsen kösterdi ki, Qırım sportçıları regionımıznı em ukraim, em dünya yarışlarında yüksek seviyede taqdim ete bileler.
Em de Vitalina Dzoz qayd etti ki, yaşlar arasında sağlam yaşayış tarzı parlaq misaller ile propaganda etilmek kerek, ve Arsenniñ ğalebesi – sportqa aveslik tek sağlam beden degil de, belli bir neticelerge irişüv bere bilgenini köstere. Bunınen beraber er yaş qırımlı añlamaq kerek ki, tunç mukâfat sportçınıñ ve trenerlerniñ talapkârlığı, büyük işi ile qazanıla bile. “Amma netice de pek parlaq!”, — dedi nazir.