Rustem Eminov öz 60-yıllığını qayd etti.

11.05.20160:19

Bağçasaray tarihiy- medeniy qoruvınıñ Bediy müzeyinde 13 aprel künü belli qırımtatar ressamı, SSSR, Özbekistan ressamlar birliginiñ ve Ukraian ressamlarınıñ milliy birliginiñ azası, QMC Yuqarı şurasınıñ mukãfat laureatı Rustem Eminovnıñ 60 yıllıq yubileyine bağışlanılğan serginiñ açılışı olıp keçti.

Eminovnıñ eserleri Taşkent devlet sanat müzeyiniñ kollektsıyalarında, Aqmescitteki Qırımtatar sanat müzeyi, İ.Gasprinskiy adına ev- müzeyinde taqdim etilgen.

Serginiñ açılışında yazıcı ve naşir Fikret Yurter, QMPÜ ocaları, qırımtatar milliy areketiniñ faal iştirakçileri ve digerler iştirak ettiler.

Sergide ressamnıñ çeşit devirlerge ait olğan bediy eserleri taqdim etildi. Olarnıñ arasında belli qırımtatar erbaplarınıñ portretleri de bar edi.

Rustem Eminovnıñ resimleri- bütün halqnıñ taqdiri aqqında bediy- dokumental bir ikãyedir. R.Eminov icadınıñ esas mevzusı qırımtatar sürgünliginen bağlıdır.Bundan da ğayrı, R.Eminov Qırımnıñ ulu insanlarınıñ obrazlar seriyasını meydanğa ketirdi. Bular türkşınas ve şair Bekir Çoban Zade, naşir Asan Sabri Ayvazov, Mamut Nedimniñ portretleri, triptih ‘Sürügünlik evlãdları’ ve diger işlerdir. Rustem Eminov- 400 ziyade resimniñ muellifidir.

Tedbirniñ musafirleri ressamğa gürleşüv, şahsiy ressamlıq mektebini açmaq nail olğanını tilep, Eminovnıñ sürgünlikke bağışlanılğan resimler seriyası meydanğa ketirilmesi kerek olğan milliy hatıra müzeyiniñ esasına tutar degen ümütni bildirdiler.

İcrette qırımtatar milliy areketiniñ faal iştirakçisi- Fikret Yurter Amerikada yaşağan qırımtatarlar Rustem Eminovnıñ işlerini mıtlaq körmek kerek olğanını qayd etp, bu işte yardım köstermege söz berdi.

Ressamnıñ işleri AQŞ, İzrail, Cenüp Koreya, Avstraliya, Türkiyeniñ kollektsionerleri ile alına edi. Bundan da ğayrı, ressam, aynı zamanda resimlerini izaatlağan onlarnen şiirleriniñ muellifidir.

Sergi ağımdaki seneniñ aprel 30-na qadar devam etecektir.