Belli ukrain siyasetşınası Vitaliy Portnikov Qırım Nazirler Şurasınıñ reisi Vitaliy Cartınıñ Milliy Meclis reisi Mustafa Cemilevniñ adresine qırımtatarlar tarafından alınğan topraqlarınıñ boşatılmasına dair yüksek laflarını izaatlay eken, şunu qayd etti ki, ukrain akimiyeti bir vaqıtları haqsız öz tarihiy vatanından sürgün etilgen halqnıñ avdet meselesini nasıl etip çezilecegini tam bilmey.
‘Qırımtatarlarınıñ Ukrainadan ğayrı diger devletleri ve Qırımdan ğayrı diger vatanları yoq.Bu bir taraftan. Diger taraftan ise, bu halq öz vatanından cinayet rejimi tarafından köçürildi ve ukraina devleti onı vatanına qaytması içün elinden kelgenini yapmaq kerek. Borc olğanına urğulayım. Qırımtatar Qırımda öz evindedir, ukrain ukrainada kibi.’-dep yaza Portnikov ‘Korrespondet’ dergisinde.
Onıñ fikrine köre, Ukraina huquqiy seviyede sürgün etilgen vatandaşlarınıñ haqlarını temin etmek, mülkniñ qaytarılması meselesini çezmek kerek. Bundan da ğayrı, Portnikov qayd etkenine köre, Qırımda ‘ mında yaşağan halqlarnıñ musaviy milliy temsilciligini temin etmeli’. Amma 20 yıl içersinde Ukraina bu yönelişte iç ğayret köstermedi.