Saq regional Meclisi, Saq rayonı din cemiyetleri, qırımtatar Qurultay delegatlarnıñ beyanatı

11.05.20160:19

Biz, Saq regional Meclis azaları, Saq rayon imamları ve din cemiyetlerniñ reisleri, Saq regionından Qırımtatar qurultaynıñ delegatları Qırımda yüz bergen vaqialar munasebeti ile, Rusiye Federatsıyası tarafından Qırım territoriyasına rus orduları kirsetilmesi, 2014 senesi 6 mart künü Qırım Yuqarı Şurası tarafından 16 martqa planlaştırılğan sahte “umuqırım referendumnıñ keçirilmesi aqqında” qararnıñ qabul olunmasından dolayı peyda olğan siyasiy krizis şaraitlerinde Saq regionnıñ sakinlerine muracaat etemiz:

· Bölük ve qasaba saylav komissiyalar terkibine kirmemek,

· Saylavcılar cedvelleriniñ tizilüvinde iştirak etmemek, mezkür cedvellerge kirsetilmeñizge razılıq bermemek,

· Cevdellerge kirsetilgen alda adıñız cedvelden çıqartılmasını talap etmek,

· Saylav künü saylav bölüklerine kelmemek, evde saylav keçirilmesi içün saylav komissiya azalarını davet etmemek.

· Qırım Yuqarı Şurası tarafından “ umumqırım referendumnıñ keçirilmesi aqqında qarar” haqsızdır ve bütün Qırım sakinleriniñ haqlarını boza.

Saq regional Meclis azaları, Saq rayon imamları ve din cemiyetlerniñ reisleri, Saq regionından Qırımtatar qurultaynıñ delegatları Saq regionnıñ bütün sakinlerini “referendum” keçirilmesine boykot köstermege çağıra.

Saq regional Meclisniñ reisi Bilâlov E.

09. 03. 2014