Meclis kubogına futbol boyunca ekinci tur 2011 senesi 18 sentãbr Seyitler

11.05.20160:19

Bu sefer turnirde şerefli musafirler, şu cümleden Seyitler rayon şurasınıñ reisi, rayom devletmemuriyetiniñ reis muavini, teşkiliy komitetniñ azaları, regional meclislerniñ reisleri bulundılar.

Jerep çekilmesi boyunca İçki rayonı Seyitlernen, Canköy ise Qurman rayonınen oynaycaq.

Futbol turnirniñ baş akemi- II kategoriya akemi Şalverov Emirali, alanda akemler- Roman Şalverov (Curçi),Yevgeniy Parubin(Seyitler), Oleg Martınov (Qurman). Bu matçta İçki ve Seyitler rayon taqımları körüştiler. İlk golnı Seyitler taqımınıñ oyuncısı Reşat Mustafayev kirsetti. İçki komandasınıñ oyuncısı ise Ruşen Kerimov da bir gol kirsetti. Birinci taym 1:1 esabınen yekünlendi.

Ekinci taym ve qoşma vaqıt vaziyetni deñiştirip olamağan soñ, reglament boyunca taqımlar pinalti urmağa mecbur oldılar. İşki rayon taqımı ğalebe qazandı.

Ekinci matçta Canköy ve Qurman komandaları oynadılar. İlk golnı, yani 24 daqqada Canköy komandasınıñ oyuncısı Mustafa Ablãmetov gol kirsetti. Amma neticede Canköy taqımı 2:1 esapnen ğalebe qazanıp, finalğa çıqtı.

Teneffüsten soñ III yer içün Seyitler ve Qurman rayon komandaları oynadılar. Komandalar eki taymnı aynı esapnen oynadılar, qoşma vaqıt ve atta pinalti neticeni deñiştirip olamadı. Nihayet ilk kirsetilgen golğa qadar oynap, Seyitler rayon taqımı III yerni qazandı.

Finalda İçki rayonı ve Canköy komandaları körüştiler. Birinci taymda 2:0 esabınen İçki taqımı ögge çıqtı. İçki rayon komandası zaten ğayet güzel oyun kösterdiler. Oyuncılar biri birini yahşı duya ve añlay ediler. Oyunğa ciddiy azırlanğanları duyula edi. Canköy komandasına ise birlik, mustaqillik yetişmey edi. Oyunnıñ soñunda ğalebeler mukãfatlarnen taqdirlenildi. Seyitler rayon keñeşiniñ prezidiumı ğalip çıqqan İçki rayon taqımını, eñ güzel oyuncı- Selim Abdullayevni(İçki), eñ güzel imayeci- Dilãver İslãmov( Qurman), eñ güzel ucumci Ablãmetov Mustafanı(Canköy) kuboklarnen mukãfatlandırdı. Seyitler rayon devlet memurligi kuboklar ve yarlıqlar ile ğalip çıqqan komandalarını mukãfatlandırdı. Bundan da ğayrı, rayon devlet memurligi tarafından eñ güzel qapıcı- Ayder Ablayev( Seyitler), eñ güzel imayeci- Osman Seytmemetov (İçki), eñ güzel yarıimayeci- Alişer(Qurman), eñ güzel ucumcı-Mustafa Ablãmetov(Canköy) taqdirlendiler.

İçki rayon komandasını Meclis kubogına futbolnıñ yarımfinalına keçkeninen hayırlaymız!

P.S. Birinci turda Or-Qapı rayon taqımında belgilenmegen oyuncı iştirak etkeni sebebinden İş gruppası tarafından bu taqımnı oyundan çıqarmaq qararı qabul olundı. Taqdim etilgen qapıcı- Arsen Osmanovnıñ yerine belgisiz insan oynadı. Hatırlatamız ki, Or-Qapı taqımı Ah-Şeyh ve Curci komandalarını yeñip, futbol turnirniñ yarım finalına keçken edi. İş gruppası 23 sentãbrde yarımfinalğa keçilmesi içün Curci ve Ah-Şeyh rayon komandaları arasında matç keçirmege qarar aldı.

Zarema Server