Çorum türk şeerinde soñ 140 yıl içersinde Romanyada yaşağan qırımtatarları Alaca rayonı Çorum şeeri, Kalecikaya köyündeki vatandaşları ile körüştiler. Körüşüv Çorum ş. yolbaşçıları tarafından teşkil etilgen Hett medeniyetiniñ 31-ci Halqara sergi-festivali çerçivesinde keçti.
Kalecikkaya köyüniñ yardımlaşma ve medeniyet derneginiñ reisi Şükrü Bilgili aytqanına köre, qırımtatarlar, Rusiye tarafından 1783 senesi Qırım işğalinden soñ yer alğan basqı neticesinde Romanyağa köçmege mecbur oldılar. Bazı qırımtatarlr ise, Rusiye tarafından Qırım zapt etilgen soñ, ayrıca da 1850 senesinden soñ Küçük Asiyağa (Anatoliya)keçmege mecbur oldılar. Kalecikaya Çorum vilãyetinde yekãne qırımtatar köyü olğanı sebebinden bu körüşüv köy sakinleri içün ayrıca mühim vaqia olıp qaldı.
Öz nevbetinde Romanyadaki qırımtatar ansambliniñ rehberi, Romanya müsülman türk- tatarlarınıñ Demokratik birliginiñ Tasil boyunca komissiya yolbaşçısı Zulfiye Seyidali gruppa bütünley Konstantsa vilãyeti Kobadin köyüniñ sakinlerinden ibaret olğanını añlattı.
Körüşüv devamında Kalecikaya köy sakinleri musafirlerni çeburekler ile sıyladılar.
QHA.