Jurnalistler içün seminar

11.05.20160:19

Fevral 10 künü Aqmescit şeerinde “Alraid” içtimaiy teşkilâtlar bütünukraina assotsiatsiyasınıñ ofisinde qırımtatar jurnalistleri içün “İslamnıñ arbiy-siyasiy kontseptsiyası” mevzusında seminar keçirildi. Seminarda “Qırım”, “Avdet”, “Yañı dünya”, “Golos Krıma” (“Qırım sedası”), “Poluostrov” (“Yarımada”) gazetalarnıñ, “Meydan” radiosınıñ, ATR ve GTRK “Krım” telekanallarnıñ jurnalistleri iştirak ettiler.

Seminarnıñ maqsadı – jurnalistlerge islam aqqında daa tolu ve doğru malümat bermek istegidir. Seminar iştirakçilerine islam aqqında kitap ve diskler berildi.

 

Esas maruzacı ekspert Seyran Arifov oldı, öz ilâveler ile Qıırm müftisi muavini Ayder İsmailov çıqışta bulundı. Seminarda Milliy Meclis reis muavini Refat Çubarov, Meclis azaları Bekir Mamutov, Şevket Kaybullayev, informatsiya boyunca cumhuriyet komitetiniñ reisi Şevket Memetov iştirak ettiler.