Leyha_Qararı

11.05.20160:19

Leyha

Qırımtatar Milliy Meclisniñ

Kütleviy sürgünlikler ve azaplar aqqında hatıranıñ saqlanması içün keçirilgen Stalinizm ve natsizm qurbanlarınıñ umumavropa hatıra kününiñ tedbirleri aqqında

Qararı

2011 senesi 07 avgust Aqmescit ş.

OBSY Parlament Assambleyasınıñ 2009 senesi 3 iyül “Bölüngen Avropanıñ birleşüvi: XXI asırda OBSY regionında insan aqları ve grajdan azatlıqlarınıñ qorçalanuvı” Rezolütsiyasına köre, 23 avgust künü, “Ribbentrop-Molotov” paktınıñ imzalanğan künü, Kütleviy sürgünlikler ve azaplar aqqında hatıranıñ saqlanması içün keçirilgen Stalinizm ve natsizm qurbanlarınıñ umumavropa hatıra künü olaraq ilân etildi.

Kommunistik rejiminden büyük zarar körgen qırımtatar halqı bu rezolütsiyanı, öz Vatanında qırımtatar halqı aqlarınıñ tiklenüvine qarşı daa bir adım olaraq, qabul ete.

OBSY PA rezolütsiyasına esaslanıp, Qırımtatar Milliy Meclisi 2009 senesi 23 avgust kününden berli er yıl Aqmescit şeerinde çeşit içtimaiy ve siyasiy teşkilâtlar vekillerniñ iştiragi ile matem mitingni keçire.

2011 senesi 23 avgust künü matem mitingi Salgirka parkındaki (Yaltinskaya soq.) qırımtatar halqınıñ sürgünligi qurbanlarınıñ hatırasına qoyulğan memorial yanında keçirilecek.

Matem mitingi teşkilâtlandırılması maqsadınen Qırımtatar Milliy Meclisi

QARAR BERE:

 

1. İş grupasını tadiqlamaq:

ÇUBAROV Refat, Qırımtatar Milliy Meclis Reisiniñ birinci muavini, Qırım Yuqarı Şurasınıñ deputatı (İş gruppasınıñ yolbaşçısı),

SMEDLÂYEV Zair, Meclis Kâtipliginiñ yolbaşçısı (İş gruppası yolbaşçısınıñ muavini),

OVÇARUK Vasiliy, Ukrain milletçiler Kongressiniñ Qırım teşkilâtınıñ reisi (İş gruppasınıñ azası, razılığı ile),

PİLUNSKİY Leonid, Harodnıy Ruh Qırım teşkilâtınıñ reisi, Qırım Yuqarı Şurasınıñ deputatı (İş gruppasınıñ azası, razılığı ile),

FOMUŞKİN Oleg, Ukrain halq partiyasınıñ Qırım teşkilâtınıñ reisi (İş gruppasınıñ azası, razılığı ile),

HAMZİN Ali, Meclisniñ tış munasebetler bölüginiñ yolbaşçısı (İş gruppasınıñ azası),

ENNANOV Ruslan, Qırımtatar Milliy Meclisniñ azası, Aqmescit regional meclisniñ reisi vazifesini becergen (İş gruppasınıñ azası).

2. İş gruppasına:

— Kütleviy sürgünlikler ve azaplar aqqında hatıranıñ saqlanması içün keçirilgen Stalinizm ve natsizm qurbanlarınıñ umumavropa hatıra kününe bağışlanğan metem mitinginiñ keçirilüv tertibi aqqında Qırım cemaatçılığına KİV’na muracaatnı azırlamaq ve yayınlamaq.

Müddet — 2011 senesi 15 avgust kününe qadar.

— matem mitinginiñ keçirilüvine yonelgen bütün kerekli teşkiliy tedbirlerni teminlemek.