Abduraman Egiz qırımtatarlarnı Avropa Parlamentinde taqdim etti

11.05.20160:19

Meclis azası Abduraman Egiz Strasburgda Avropa Parlamenti Pan-Avropa İşçi gruppasınıñ sessiyasında çıqışta bulundı

2014 senesi yanvar 14 künü Meclis azası Abduraman Egiz Strasburgda Avropa Parlamenti Pan-Avropa İşçi gruppasınıñ sessiyasında Halqara forum keçirilmesine Ukraina ükümetine qoltutuvda halqara cemaatçılıq iştirakiniñ müimligi hususında maruzanen çıqışta bulundı.

Ondan soñ A.Egiz deputatlarnıñ suallerine cevap berdi.

Munaqaşalar devamında deputatlar qırımtatar halqı sürgünliginiñ aqibetini yoq etüv işinde Avropa Parlamenti nasıl iştirak etebilecegini muzakere ettiler.

Bunıñ kibi de Ukrainağa Qırımnıñ tamır halqı rastkelgen müim ve acele problemlerni çezüv oğrunda leyhalarını amelge keçirüv teşebbüslerine qoltutuv mehanizmleri teklif olundı.

Strasburgda iş ziyaretinen bulunğan Meclis azası Abduraman Egiz Avropa Parlamentiniñ "Pan-Avropa iş gruppasınıñ" toplaşuvında iştirak etmekte. Toplaşuv devamında 2014 senesi yanvar 14 künü A. Egiz qırımtatar halqınıñ vaziyeti aqqında maruzanen çıqıştı bulundı.

Ziyaret devamında Abduraman Egiz Avropa Parlamentiniñ deputatları Bernd Posselt, Pol Rübik, tışqı alâqalar komitetiniñ başı Elmar Brok, Tunne Kelam, Antonio Kansian, Edvard Kukan, Yan Olbriht, Lazlo Tokeş, Emine Bozkurt, Enesa Vaydere, Zdravka Büjik, Elizabet Jegl ile körüşüvler keçirdi.

Körüşüv iştirakçileri qırımtatar halqı meselesiniñ çeziminde halqara cemaatçılıq tarafından körülecek çare ve sürgünlik aqibetlerini yoq etüvde Ukrainağa Avropa Parlamenti deputatlarınıñ iştiraki muzakere etildi.

Bunıñ kibi de körüşüvler vaqtında Qırımnıñ tamır halqı rastkelgen keçiktirilmeycek problemlerniñ çezimi oğrunda leyhalarnı amelge keçirüv imkânları da muzakere olundı.