Abduraman Çubarov vefat etti / Tazie

11.05.20160:19

Milliy Meclis reisi Refat Çubarovğa, onıñ babası, Or-Qapu rayonınıñ Berdi-Bolat köyünde yaşağan, doğma ayserezli Abduraman Seytasan oğlu Çubarov 83 yaşında vefat etkeni munasebetinen teren taziye bildiremiz ve bütün yaqınlarına baş sağlığı tileymiz.

Merhum Allahnıñ rahmetinde bulunsın.


Milliy Meclis azaları.

Mart 30 künü 2014 senesi Qırımtatar Milliy Meclis reisi Refat Çubarovnıñ 84 yaşına kelgen babası Abduraman Çubarov vefat etti.

1931 senesi Qırımnıñ Sudaq rayonı Ayserez köyünde doğğan Abduraman Çubarov 2014 senesi 30-martta vefat etti. O, Seytasan efendi ve Rohye hanımnıñ qorantasında üyken evlât edi. Erte balalığında öksüz qalıp, Rayme tizesiniñ qolunda östi.

Halqımıznıñ başına deşetli sürgünlik müsibetleri tüşkende, 13 yaşındaki Abduraman Özbekistan, Samarqandnıñ cıvarında yaşamağa ve ağır işlerde çalışmağa, bunıñnen beraber tasil almaqtan vazgeçmege mecbur oldı.

Ömür arqadaşı Alime hanımnen beraber dört oğulnı östürdi. Olardan biri Milliy Meclis reisi Refat Çubarov. Vatandaşlarımıznıñ ekseriyeti kibi, Abduraman ağa Qırımtatar milliy areketine er taraflama qoltuttı ve yardım etti.

1968 senesi, fermannen faydalanıp, qorantasını Qırımğa köçürmege yetiştirdi. Lâkin doğmuş Ayserezi yerine Or-Qapu rayonınıñ Berdi-Bolat (Privolnoye) köyünde yerleşip oldı. Nefaqağa çıqqance qurucı-taşçı olıp çalıştı. Köydeşleri onı ürmet ete edi. O, daima halqnıñ ömüri – quvançı ve qayğısı ile yaşadı. Allah rahmet eylesin.

Abduraman ağa Çubarovnıñ cenazesi 31-martta Or-Qapu rayonınıñ Berdi-Bolat köyünde saat 14.00-de (Moskva vaqtınen saat 15-00-de) başlanacaq.

Merhum Allahnıñ rahmetinde olsun!