Mustafa Cemilev ve Refat Çubarovnıñ Vasiliy Cartı ile iş körüşüvi

11.05.20160:19

Mustafa Cemilev ve Refat Çubarovnıñ Vasiliy Cartı ile iş körüşüvi

29 sentâbr künü Qırım Nazirler Şurasınıñ Reisi Vasiliy Cartı Qırımtatar Milliy Meclis Reisi Mustafa Cemilev ve Bütündünya qırımtatar kongressiniñ Prezidenti Refat Çubarov ile körüşti.

Qırım Nazirler Şurasınıñ Reisi Vasiliy Cartı öz sübetdeşlerine sürgün etilgen vatandaşlarnıñ yerleştirilüvi programmasınıñ ağımdaki sene yapıluvı aqqında haber etti, 2010 senesi planına kirsetilgen qurucılıq obyektleriniñ kerekli derecede Ukrainanıñ büdjeti tarafından maliye teminlenüvinde toqtadı.

Öz nevbetinde, Meclis Reisi Qırım Nazirler Şurasınıñ Reisi Vasiliy Cartığa özüniñ, Ukraina halq deputatı olaraq, Ukrainanıñ profil nazirlikleri ile 2011-2015 senelerine Qırımdan evelde sürgün etilgen qırımtatarlar ve başqa milletlerniñ yerleştirilüvi programmasınıñ işletilüvi ve tasdiqlanuvı boyunca alıp barğan işiniñ neticeleri aqqında haber berdi.

Vasiliy Cartı ve Mustafa Cemilevniñ eki taraflama fikirlerine köre, şimdi, 2011 senesine büdjet şekkillengende, sürgün etilgen vatandaşlarnıñ yerleşmesi saasında Qırımda toplanğan meselelerniñ çezilüvi maliye tarafından da destek etilmesi içün, imkân olğanı qadar ğayretlerni birleştirmek kerek.

Böyle, Qırım Nazirler Şurasınıñ Reisi Vasiliy Cartı qayd etti ki, Qırım ükümeti Fontanı qasabasında umumtasil mektepniñ, Aqmescitte qurula yatqan 180 dairelik evniñ qurucılığını bitirmek içün kerek olğan er şeyni yapar.

Körüşüv devamında bir sıra başqa aktual meseleler de muzakere etildi, olarnıñ çezilüvi ile çoqmilletli Qırım cemiyetinde işanç ve añlaşuv daa da pekine bile.

Qırımtatar Milliy Meclisniñ Matbuat hızmeti