Азиз халкъымыз!

11.05.20160:19

О къара куньлер кескин тикенлер киби къальплеримизни яргъан олса да, о яралардан тамгъан къан тамчыларыны къызыл гуллерге чевиреджек кучьлю, ирадели, акъыл-бильгили яш неслинъ бар! Демек умютинъ де бар! Юдже Раббимизнинъ мерамети ве эмри иле гъурбет эллерде титрек сесинен айтылгъан йырлар ана ватанда сербест янъгъырар, гизли гизли фысылдангъан дуалар юксек минарелеримизден коклерге даркъалып, бутюн дюньяны сарсытар.

Урие КАДИРОВА

Къызыл кунеш, ашыкъмадан къонды уфукъ артына,

Къальбим сыкъыкъ, багърым яныкъ кирдим азбар къапудан.

Башым эгдим, авуч ачып, шукюр эттим Аллаhкъа,

Яраданым, къысмет олды, авдет олмакъ Ватангъа!

Узун йыллар ниет этип, умютимни джоймадым,

Юрегиме башкъа Ватан адын, санын къоймадым.

Эп бекледим, асрет олдым, сенинъ топракъ-сувунъа,

Сенинъ санки ана киби, назик, татлы къокъунъа.

Гъурбет эльде догъдым бельки, факъат къанымда изинъ,

Темиз аванъ, кениш чёлинъ, сербест Къара денъизинъ.

Олар манъа кучь берелер, яшаталар кунь-куньден,

Джойгъан генчлик йылларымны багъышлайлар енъиден.

Хатырлайым, танъ маалинде къопты къара фаджиа,

Гъарип анам, беш баланен шейлеримизни джыя.

Шашмалады, къадын башы, нелер япсын, бичаре,

Бабам дженкте. Даа къайтмады. Элимизде не чаре?

Къуран сарды аначыгъым, индже марамасына,

Къуджакъ асты бизлер чыкътыкъ, эвнинъ босагъасына.

Эпмиз халкънен бир хорландыкъ, чёллер бою бир кеттик.

Пис къокъулы вагонларда бирер-бирер джан бердик.

Гъурбет эльде бир джем халкътыкъ, хорландыкъ, баш эгмедик,

Бирлик олып, яш несильге урф-адетни огреттик.

Тилимизни сакълап къалдыкъ, къоркъунч шараитлерде,

Бизге тилим – мельем олды, шербет олды, сюргюнде.

Яраданым, санъа ачам эллеримни дуанен,

Эр шей сенден. Лякин, япма!Сынама бойле куннен.

Къырымымда сагъ-селямет омюр корьмек къысмет эт,

Фырсат берме, ич кимсеге. Кормесин халкъым зульмет…

2014 с.

Эльвира Абилмеджитова

Не можем и не вправе мы забыть,

Кровавый май 44,

Когда истории трагическая нить,

Отрезала от Родины Народы…

Когда в вагонах дети, старики,

от голода безмолвно умирали…

И их как будто с мусором мешки,

на перегонах на пути кидали…

Помолимся за тех,

кто не успел вернуться,

За тех, кто погребен в чужом краю,

За всех не выживших и тех,

кто просто не родился,

В Советском Сталинском Аду…