Noman Çelebicihannıñ hatırası añıldı.

11.05.20160:19

Qırım, Litva, Poloniya, Belorusiyanıñ müftisi Noman Çelebicihannıñ hatırasına bağışlanğan merasimlerniñ keçirilmesi diger yerlerde kibi Eski Qırımda da artıq adet olıp qaldı. Bu sefer de Eski Qırım balalar kitaphanesinde bu özgün, halqnıñ teren ürmetini, sayğı ve sevgisini qazanğan insannı añmaq içün tek qırımtatarlar degil de, diger millet vekilleri de toplandı. Kelgenler eskiqırım ‘mektep-gimnaziya’nıñ talebeleri tarafından icra etilgen qırımtatar yırlarını, şiirlerini memnüniyetnen diñlediler, ‘Saqavlanma, ey,kadãy’ sanalaştıruvnı seyir ettiler. Eski Qırım muzıka mektebiniñ talebeleri de öz mearetlerini numayış ettiler.

Merasimniñ azırlığında eskiqırım ‘mektep-gimnazya’sınıñ ocası Emine Yurdam, eskiqırım bala kitaphanesiniñ müdiri Elvira Ramazanova, eskiqırım qırımtatar milliy areket teşkilãtınıñ reisi Enver Arabacıyev iştirak ettiler.

 

Yaş nesil öz halqınıñ tarihını bimek kerek, milliy qaramanlarına ürmet ile yanaşmaq, ana yürtnıñ vatanperverleri olmaq kerekler.

Nikolay Şapovalov