Mustafa Cemilev halqara mukâfatnıñ laureatı oldı

11.05.20160:19

Qırımatatar halqınıñ lideri Mustafa Cemilev iyünniñ 3-de Varşavada insan aqları ve demokratiya qorçalavında rolü içün, “Solidarnost” (“Göñüldeşlik”) mukâfatını aldı.

Mukâfatnı Poloniya Prezidenti Bronislav Komorovskiy ve devletniñ sabıq yolbaşçısı Leh Valensa taqdim ettiler.

Bu mukâfatnı Mustafa Cemilevge Leh Valensanen beraber bergenimizden pek memnünim. Bu mukâfat sayesinde öz Avropa göñüldeşligimizni köstere bilemiz”, — dedi Komorovskiy.

Tedbirde Poloniya Tış işler nazirliginiñ yolbaşçısı Radoslav Sikorskiy, İsveçre TİN başı karl Bildt ve Ukraina prezident saylavlarınıñ ğalibi Pötr Poroşenko, haber ete Radio Svoboda (Azatlıq radiosı).

Hatırlatamız ki, mukâfat 1mln yevro miqdarında. Laureatnıñ özü pu paradan tek 250 biñ yevro alacaq, qalğanı ise tınçlıq ve demokratiya qorçalanması boyunca programmalar çerçivesinde masraf etilmeli.

Cemilevniñ sözlerine köre, alğan paranı “Qırım inkişaf fondu” hayriye teşkilâtı vastasınen yerine yetkizecek.

100 biñ yevroğa yaqın bir qısımnı Maydanda ve antiterror operatsiya vaqtında elâk olğanlarnıñ qorantalarına yardım olaraq bermek isteyim”, — dedi Cemilev.

Em de mukâfatnı “qırımtatar halqı ve Ukranağa qol tutuv”nıñ belgisi olaraq sayğanını qayd etti.