Qırımdan qırımtatarlarnı ve diger milletlerni sürgün etilgenine 66 yıl munasebeti ile mektüpleri

11.05.20160:19

 

Qırımdan qırımtatarlarnı ve diger milletlerni sürgün etilgenine 66 yıl munasebeti ile Ukrain prezidenti ve ukrain halqınıñ muracaatı

Ürmetli ukraina vatandaşları!

Bugün stalin totalitar rejiminiñ qararı ile qırımtatarlar  Orta Asiya, Sibir ve Uralğa sürgün etilgenlerine 66 yıl toldı.  Olardan büyük qısmı aqaret ve azaplarğa dayanamayıp elãk oldı.

XX asırnıñ 40-ıncı seneleri alman, yunan, italyan, ermeni, bulğar, turk, kurd, perslerni de Qırımdan mecburen sürgün ettiler.

Tarihiy adaletni tiklemek imkãnı tek mustaqil Ukraina şaraitlerinde peyda oldı. Ukraina devleti facianıñ aqabetlerinen yüz yüzge qalıp, qırımtatarları ve milliy alãmetine köre sürgün etilgen er bir vatandaşnıñ haqlarını tiklemek oğrunda mümkün olğan derecede ğayretler kösterdi.

Mustaqillik yılları repatriantlar içün bayağı şey yapıldı. Olarğa Ukraina vatandaşlığını bermek meselesi  deyerlik çezildi. Olar yerli  öz -özüni idare etüv organları ve akimiyetniñ icra organları tarafından qarar berilmesinde faal tarzda iştirak eteler. Qırımtatar yaşları  Ukrainanıñ eñ belli aliy yurtlarında tasil almaqtalar.

Bundan da ğayrı, mustaqil Ukrainada ciddiy  milletlerara zıddıyet yer almağanı ile ğururlanamız.

Lãkin bunıñ ile özüni tınçlandırmaq olmaz.  Bu facia tarihiy adaletni tiklemek, Qırımnıñ çeşitetnik cemaatnıñ ertaraflı inkişafı içün, olarnıñ içtimaiy- iqtisadiy, milliy- medeniy ihtiyaclarınıñ tam temin etilmesi içün da yapılması kerek olğanı aqqında tüşündire.

Sürgünlik- bu bizim umumiy acımızdır. Bugün biz qabaatsız qurban ketkenlerniñ hatırası ögünde başlarımıznı egemiz, tuvğan topraqlarğa qaytmaq haqları oğrunda küreşkenlerni, milliy menlik, tarih ve adetlerini saqlağanlarnı hatırlaymız.

Biz  kelecegimizge şübesiz baqa bilecegimizge eminim. Bizim taqdirimiz birdir. Tek beraberlikte, umumiy küçlerimiz ile biz  demokrtaik, huquq ve eyilik üküm sürgen devlet ve cemiyetni qurıp olurmız.

Viktor Yanukoviç

 

____________________________________________

 

Qırımtatar milliy meclis reisi Mustafa Abdulcemil Qırımoğluna

Göttingen.

Sayğılı Mustafa Abdulcemil Qırımoğlu

Bugün, bu kederli matem kününde biz yüreklerimiz ile siznen berabermiz.

1970 senesinden başlap men qırımtatarlarnıñ ve apske alınğan dissidentlerniñ avdet meselesi ile oğraşam ve avdetniñ şaatı özüm olğanına da pek quvanam.

 Sayğılı Mustafa efendige qırımtatar halqınıñ haqlarını tiklenilmesi oğrunda  şahsiy issesi içün öz ürmetlerimni bildirem.

Büyük ürmet ile

Tilman Tsülh

Baş kãtip

 

______________________________________

 

Sayğılı vatandaşlar!

Qırımtatarlar, ermeni, alman, bulğar, yunanlılar ve diger millet vekilleri tuvğan yurtlarından sürgün etilgeninden 66 yıl keçmekte.

Ekseriyetnen qadınlar, bala ve qartlar o yıllarda aqaret, eziyet, azap taqdiriniñ acılığını yaşadılar. Olar taborlarnıñ müşkül şaraitlerinde bulunıp, repressiya ve açlıqnıñ qurbanları oldılar.

Amma eñ qorqunçlı şu ki, totalitar akimiyet insanlarnı eñ muqaddes Vatanından marum qaldırdı. Ve tek devletimizniñ mustaqilligi ilãn etilgen soñ olar tuvğan topraqlarına qaytıp oldılar.

Bugün biz qabaatsız qurban olğanlarnıñ hatırası ögünde başlarımıznı egemiz, sürgünlikni keçirgenlerniñ accı hatıralarını paylaşmağa tırışamız.

Ukraina  insaniyetlikniñ eñ muşkül facialarından biri olğan- sürgünlikniñ aqibetlerini öz  boynuna alıp, er bir milletniñ lãyıq ömür seviyesini temin etmek, til, medeniyet, tasilni tiklemek ve imkişaf etmek, Qırımda yaşağanlarınıñ biri -birine ürmet ve işanç munasebetlerini arttırmaq oğrunda bütün küçlerini sarf etmekte.

Bizim umumiy maqsadımız- Ukrainanı mustaqil devlet olaraq tasdiq etmek, onıñ stabil,demokratik inkişafını temin etmektir.

Bu qorqunçlı facia aqqında hatıra, sürgünlik qurbanlarınıñ hatırasını şereflenüvi, bütün bu müdhiş sınavlardan keçip, sağ qalğanlarna ve vatanına qaytqanlarına qoltutıv, Ukrain halqınıñ birleşmesine yardım etecek, milletlerara barışıq, mustaqil, demokratik, çeçekleşken Ukrainanıñ ilerilevini temin etecegine eminim.

Ürmet ile

Ukrainanıñ vitse- baş-naziri Vladimir Seminojenko

2010 senesi 18 mayıs

Kiyev şeeri

__________________________________________________

 

Sayğılı dostlar,

Şarq Avropağa qoltutuv boyunca cemiyeti bütün qırımtatar halqına matem künü munasebeti ile öz taziyelerini bildire. Matem künü ebet keder ile toludır, amma biz sizge yaşamaq ve sevmekni, kelecekni qurmañıznı tilemege ister edik.

Ürmet ve birdemlik sözleri ile

İldar Harisov,

Şarq Avropağa qoltutuv boyunca cemiyetniñ prezidenti

Gizela Ebert,

Şarq Avropağa qoltutuv boyunca cemiyetniñ vitse-prezidenti

 _______________________________________________________

 

SAYIN MUSTAFA ABDÜLCEMİL KIRIMOĞLU AĞAYA

 

HÜRMETLİ SOYDAŞLARIMIZ,

 

Romanya’da yaşamakta bolgan Kırımtatarlar adına ve şahsım adına hepinizni selamlayman. Bugün, 18 Mayıs’ta, Kırım Tatar Milleti’nin en kara küninde siz men bir arada bolmak maga nasip olmasa da, menim de tüşüncelerim siz men beraberdir. Emin olunuz ki, bizler de milletimiznin her işlerine canı gönülden katılamız ve elimizden kelgeni kadar Vatanımız’nı yanıdan tiklemege çalışamız.

Hiç bir zaman halkımız Vatan Kırım’nı unutmagandır. Siznin dertlerinizni paylaşmak içün ant ettik ve bu yolda çalışmaga kararlımız.

Bugün, Romanya’daki camilerde Kırımtatar Milletinin şehitlerini anımak içün Dua okıla ve halkımızga  1944 yılının faciası bir kere taa anlatıla. Ayrıca, bizim aramızdan 100’den fazla soydaşlarımız Vatan Kırım’ga kelip siz men birlikte bu toplantıga katıla.

Bonday bir künde birlik bolıp çalışmaknım manasın taa arüv anlaya bilemiz.

İnşallah, bir kün kelir de hepimiz Ata Yurdu Vatanımız Kırım’ga kavuşırmız, bir millet bolıp yaşarmız.

Hepinizge saglık-selametlik ve başarılı tiliymen !

En deren saygılarım man,                           VAROL AMET

Romanya Müslüman Tatar Turkleri  Demokrat Birligi’nin Genel Başkanı 

 

_______________________________________

 

Qırımtatar milletiniñ sayğılı vekilleri, dostlar, müsafirler.

Bugün biz bütün qırımtatar halqı içün facialı olğan bu künde öz taziye ve destegimizni bildirmek içün toplaştıq. Taqdiriñizniñ mürekkepligini, bütün qarsamba ve felãketlerini tek tarihıñıznı  siznen beraber keçirgenler añlap olur.

Bizim Kavkaz, tavriya ve turkestan tetqiqatlarnıñ İnstitutı Qırımnıñ kelecegine öz issesini qoşmaq isteginen yaş qırımtatar alimlerinen yañı leyha ve ğayelerini inkişaf etmege niyetindedir. İşbirlik eki taraf içün bayağı faydalı olacağına eminmiz.

Qırımtatar milliy areketniñ ürmetli iştirakçileri, TAMGA adlı alman- tatar integratsıon cemiyeti ve Şarq Avropağa qoltutuv cemiyeti ve ‘Tatarlar Doychland’ birleşmeniñ adından birdemlik ve alğış sözlerini bildirmege musaade etiñiz.

Almaniyadaki tatar teşkilãtları ve telüke astında bulunğan halqlarğa destek cemiyeti qırımtatarlarınıñ siyasiy ve içtimaiy haqları tiklenmesi oğrunda öz işini alıp barmaqtalar. İşimiz çoq olğanını yahşı añlaymız.

Ürmet ile

Miste Hottop-Rike: telüke astında bulunğan halqlarğa destek cemiyetiniñ qırımtatar koordinatorı ve TAMGA cemiyetiniñ idare azası.

2010 senesi 18 mayıs

_______________________________________