Qırımnı Türkiye Cumhuriyetiniñ Şimal Kipr delegatsıyası ziyaret etti

11.05.20160:19

Qırımnı Türkiye Cumhuriyetiniñ Şimal Kipr delegatsıyası ziyaret etti

2010 senesi 14-17 oktãbr künleri Qırımnı Qırımtatar Meclis Reisi Mustafa Cemilevniñ davetinen Türkiye Cumhuriyetiniñ Şimal Kipr delegatsıyası parlament reisi Hasan Bozerniñ rehberliginde ziyaret etti. Delegatsıya terkibine Yaqın Şarq Üniversitetiniñ rektorı- tesisiçisi- Suat Günsel, YaqınŞarq üniversitetiniñ prorektorı, professor Fahreddin Sadıkoglu, ‘Turkiye Is Bankasi’ türk banknıñ baş müdirniñ temsili Aykut Demiray, Şimal Kipr Türkiye Cumhuriyetinde ‘Turkiye Is Bankası’ banknıñ baş müdiri Selãmi Kaçamak kirdiler.

Musafirlerniñ bu ziyareti Qırımtatar Meclis reisi 2009 senesi Şimal Kipr Türkiye Cumhuriyetine ziyaretine qarşılıq cevabıdır. Mezkür ziyaret vaqtında Qırımtatar meclisi ve YaqınŞarq üniversiteti arasında işbirlik aqqında protokol imzalanılğan edi. İşbu protokol Qırım ve Şimal Kipr Türkiye Cumhuriyeti arasında medeniy bağlarnıñ qaviyleşmesi ve inkişafını közde tuta, şu cümleden medeniy delegatsıyalar ile almaşuv, medeniy künlerniñ keçirilmesi, çeşit medeniy sergilerniñ teşkil etilmesi ve il.

 

Ziyaret ketişatında Kiprden kelgen musafirler Aqmescitteki Türkiye Cumhuriyetiniñ Şerefli konsulligine de teşrif buyurıp, onıñ faaliyetinen tanış olıp, öz aqqında ikãye ettiler. Bundan da ğayrı musafirler Bağçasaray, Kezlev, Yalta şeerlerini de ziyaret etip, qırımtatar yadikãrlıqlarınen tanış oldılar.

15 oktãbrde delegatsıya ayrı programma olaraq Qırım mühendislik pedagogika üniversitetine barıp, mında mezkür oquv yurdu ve YaqınŞarq üniversitet arasında işbirlik aqqında Memorandum imzalandı.

16 oktãbrde ise delegatsıya Qırımtatar Meclis ofisini ziyaret etip, Meclis reisi Mustafa Cemilevnen körüşti. Sübet devamında qırımtatar halqınıñ zemane vaziyeti ve inkişafı aqqında fikirlernen paylaşıldı.

Meclisniñ matbuat merkezi.