Qırımtatar Meclis ofisinde qırımtatar Meclis reisi Mustafa Cemilev ‘Qırım hanlığı ve Romanya- XV-XVIII asır’ halqara konferentsıyada iştirak etmek içün Qırımğa kelgen Romanya alimleriniñ delegatsıyasınen körüşti.
Körüşüvde Bütündünya qırımtatar kongressiniñ prezidenti Refat Çubarov ve Meclisniñ tış bağlar bölüginiñ reisi Ali Hamzin de iştirak ettiler.
Körüşüv iştirakçileri qırımtatar ve romanya alimleri arasında işbirlik ve qırımtatar ve romanya halqları arasında tarihiy bağlarnıñ sistematik ögrenilmesine dogrultılğan bir sıra teşebbüs ve tekliflerni muzakere ettiler.
Romayadaki qırımtatar diasporanıñ öz medeniyet, til ve dininiñ saqlanmasında faaliyeti qırımtatar halqınıñ tarihiy vatanında haqlarınıñ tiklenilmesinen bağlı protsesslerge halqara cemaatçılığını celp etilmesine yardım ete.