Qırımtatar Meclisi qırımtatar halqınıñ öz Vatanlarında haqlarınıñ tiklenüvi, Ukrainada onıñ inkişaf kefaletleri ve havfsızlığını temin etüvi boyunca Halqar forumnıñ keçirilmesine azırlıqlarnı devam ete.
Mezkür tedbirge azırlıq meseleleri 1 aprel künü Aqmescitte olıp keçken Meclisniñ mahsus iş gruppasınıñ muşaveresinde muzakere etildi.
Muşaverede Halqara forumnıñ keçirilmesinen bağlı bir sıra meseleler boyunca fikirler ile paylaşıldı. İş gruppasınıñ yolbaşçısı- Meclis reisiniñ birinci muavini Refat Çubarov, onıñ muavinleri ise- Remzi İlyasov ve Ali Hamzin. Gruppanıñ terkibine Meclis azaları, Zair Smedlãyev, Şevket Kaybullayev, Sinaver Kadırov, Bekir Mamutov, Nariman Celãl ve Qırımtatar Qurultayı Teftiş komissiyasınıñ reisi Kurtseit Abdullayev kirdiler.