Devletimizniñ Milliy Bayramı – Ukrainanıñ bağımsızlığı künü ile can-yürekten hayırlaymız!

11.05.20160:19

Qırımtatar Milliy areketniñ veteranları adından sizni, ürmetli dostumız Vasil, ve Gelsinsk gruppasınıñ episi temsicilerini Devletimizniñ Milliy Bayramı – Ukrainanıñ bağımsızlığı künü ile can-yürekten hayırlaymız!

Hayırlavlarımız ve tileklerimizni qabul etiñiz: Ukraina halqı BAĞIMSIZLIQNIÑ 19-cı yıllığını qayd ete.

Vatan ve Ukraina halqınıñ faydasına müim işiñiz er daim semereli ve ilhamlı olıp, sizge tek quvanç ketirgenini tileymiz.

 

Qol tutuvıñız ve dostluğıñız yardımı ile, biz, qırımtatarlar öz Vatanımızda özümizni öksüz duymaymız! Dost arqası içün sağoluñız ve biz er vaqıt ğururnen öz bala ve torunlarımızğa Ocalarımız ve Dostlarımız aqqında aytamız!

Can-yürekten vatandaşlarımızğa, tuvğanlarımızğa, dostlarımızğa ve zenatdaşlarımızğa sağlıq, çast-baht, merametlik, bereket, tınçlıq, bütün işlerde muvafaqiyetler ve yañı yenişler, yañı qazançlar, bağımsız, demokratik güllegen Ukraina şerefine, halqınıñ berekei ve bahtlı yaşayışı faydasına.

Bayramıñız hayırlı olsun!

Dostlarıñız – QIRIMTATARLAR!