Qıymetli Qırım müsülmanları!
Aziz vatandaşlar!
Cümleñizni epimiz içün büyük ve muqaddes Qurban bayramı ile can-göñülden hayırlaymız!
Bu sefer biz onı milliy birligimiz nevbetteki siyasiy sınavlardan keçken mühitte qarşılaymız. Allahqa şükürler olsun, umumen alğanda, halqımız kene de öz ferasetini, sağlamlığını ve Vatan saibi olmaq oğrunda areketçenligini numayış etti.
Qurban bayramınıñ quveti ve nurları er bir qorantamızğa baht ve quvanç, sağlıq-selãmetlik, barlıq ve muabbetlik bağışlasın! Çalacaq qurbanlarıñıznı, yapacaq ibadetleriñizni Allah-Taalã qabul etsin ve maqbul eylesin! Qırımnıñ er bir köyünde camiler tiklenilmesi, Vatanımızda dinimiz-imanımız pekinmesi, aşalanğan haq- huquqlarımız, milliy devletçiligimiz tiklenilmesi oğrunda Yüce Rabbimizniñ özü yardımcı olsun!
Qırımtatar Milliy Meclisi
__________________________________
Romanya Müslüman Tatar Türkleri Demokrat Birliği adına ve şahsım adına Mübarek Kurban Bayramınızı can-ı gönülden kutlar, sağlık, mutluluk ve sonsuz başarılar dilerim!
Nice güzel bayramlara !…
Saygılarımla , Av.Varol Amet
_____________________________________
Bismillãhi r-rahmani r-rahim!Mühterem müsülmanlar, aziz vatandaşlar!
Yüce Rabbimizge biñlerce şükürler olsun ki, İslãmnıñ ekinci büyük bayramı- Qurban bayramına yetip keldik. Bu bayram müsülmanlarnı bir-birlerine daa da yaqınlaştırğan, özara sevgi ve barışıqlıqnı qaviyleştirgen, zenginler fuqarelerge yardım qollarını uzatqan bayramdır.
Mübarek Qurban bayramı munasebetşnen cümleñizni Qırım müsülmanlarınıñ Diniy idaresi ve şahsen öz adımdan samimiy hayırlayım, hayatıñızda er daim muvafaqiyetlerge nail olğanıñıznı tileyim!
Qurban bayramıñız hayırlı olsun!
Haci Emirali Ablayev, Qırım müsülmanlarınıñ müftisi
_________________________________________________________________