Bugün sistemli dialog yoqtır

11.05.20160:19

QMC ükümeti terkibinden kommunisitk partiyası temsilcilerniñ çıqarılması munasebetinen qırımtatarlar temsilcilerniñ devlet vazifelerinde bulunmalarında deñişmeler olurmı? Böyle sualnen Remzi İlyasovğa muracaat ettik.

Tek mutehassıs tecribeni közde tutsaq, tek qırımtatarlardan olğan mutehassıslardan teşkil olunğan bir qaç ükümet meydanğa ketirmege mümkün.QMC Nazirler Şurası reisiniñ tek mutehassıs azırlıq boyunca yanaşılacağı aqqında sözüne inanam.

Regionlardan öyle teklif kele ki, Qırımtatar halqı Qurultayınıñ nevbetten tış sessiyasını toplap, QMC’deki vaziyetini baqıp çıqmaq, şu cümlede, yuqarıda turğan meselelerni. Şimdi kesinlikle aytmağa daa erte.

 

Maña köre, bugün daa sisetmli dialog yoq. Bir de bir vaziyetlerde areketler bir taraflama yapılmaq kerekmeyler. Bu er bir tarafqa dair. Belli bir añlaşmalar olsa, sayam ki, kesin qararalar çıqarmaqtan evel, körüşmek, muzakere etmek ve öz pozitsiya aqqında aytmaq kerek: bunı yapa bilemiz, bunı ise – yoq, yanaşmalarnı işleitp çıqarmaq kerek.

Aqiqatta ükümet organlarında qırımtatarlarnıñ temsilciliginen bağlı meseleler mevcuttır. Ve olar sade degiller. Bu em regionlarğa, em merkezge – cumhuriyet ükümeti organlarına aittir.

Pozitiv adımlar kerek. Bunınen beraber olar Qırımdaki hususiyetlerge köre doru, neticeli olmaq kerekler, olarnıñ esasında ileride konstruktiv dialog inkişaf etmek imkânı olmaq kerek.