Remzi İlyasov: Bütünukraina cedvelge aluv neticelerine tesir ete bilecek bir sıra problema bar

11.05.20160:19

Resmiy olmağan malümatqa köre, qırımtatarlarnıñ 20%-i resmiy qayd etilüv yerlerinde yaşamaylar, diqqat etilmese, böyle vaziyet 2012 senesi cedvelge aluvnıñ neticelerine tesir ete bile.

Bunıñ aqqında Qırım Muhtar Cumhuriyeti Yuqarı Şurasınıñ Milletlerara munasebetler ve sürgün etilgen vatandaşlarnıñ meseleleri daimiy komissiyasınıñ reisi Remzi İlyasov mart 20 künü komissiyanıñ oturışında qayd etti. Komissiya yolbaşçısı Nazirler şurası tarafından çezilüvni talap etken bir sıra regional meselelerge de diqqatnı celp etti. Hususan, İlyasovnıñ qaytqanına köre, şeer ve köylerniñ sıñırları, adlları ve kategoriyaları belgilemek kerek. “Adresler saasında bozulmalar bar, sürgün etilgenlerniñ toplu yaşağan yerlerinde soqaq adları ve evniñ üstünde nomerları yoq”, — dey komissiya yolbaşçısı.

Remzi İlyasov qayd etti ki, cedvelge aluv ötkerecek hadimlerge köz ögünde tutmaq kerek ki, muhtariyette 300-den ziyade sürgün etilgenlerniñ toplu yaşağan qasabaları bar. O, çalışacaq hadimler sırasına qırımtatar ve diger milliy azlıqlarnıñ tillerini bilgen vatandaşlarnı celp etmek kerek.

Öz çıqışında Remzi İlyasov vatandaşlarnıñ bağçacılıq massivlerinde (safiye yani daçalarda) yaşağanlarına diqqatnı celp etti. Meselâ, Kamenka, Beloye, Petrovskiye Skalı qasabalarında yaşağan adamlar başqa yerlerde resmiy qayd etilgenler. Bu meseleni de köz ögünde tutmaq kerek.

Öz mühbirimiz