Nazirler Kabinetine sürgün etilgenlerniñ abadanlaştırılması programmasınıñ leyhası teslim etildi

11.05.20160:19

Sürgün etilgen qırımtatarlar ve diger millet vekilleriniñ yerleştirilmesi ve abadanlaştırılması, 2015 senesine qadar devrinde olarnıñ ukrain cemiyetinde adaptatsiya ve integratsiyası programmasınıñ leyhası Ukraina Nazirler Kabinetine baqılmaq içün teslim etildi. Qırım Yuqarı Şurasınıñ matbuat hızmeti bildirgenine kore, bu aqta milletlerara munasebetler ve sürgün etilgen vatandaşlarnıñ meseleleri QMC YŞ-nıñ Daimiy komissiyasınıñ reisi Remzi İlyasov haber etti.

O, bu afta ‘Ukrainanıñ etnomilliy siyaseti: qazançları ve perspektivaları’ mevzusında parlament toplaşuvlarında iştirak etti.

İlyasov bildirgenine köre, toplaşuvlarından soñ o, Ukrainanıñ içtimaiy siyasetiniñ Naziri Vasiliy Nadraga ile sürgün etilgenlerniñ abadanlaştırılması programmasını muzakere etmek içün körüşti. Oña köre, 2012 senesi devlet bücetinden bu meselege 25 mln. grivna, 2013 senesi – 50 mln. grivna, 2014 senesi – 225 mln. grivna, 2015 senesi – 248 mln. grivna ayırılması közde tutula.

 

‘Programma Ukraina Nazirler Kabinetine qanuniy ekspertizağa teslim etildi, — dep qayd etti R. İlyasov. – Programma qabul etileceginde bir eminlik bar’.

Bundan da ğayrı, Qırım parlamentiniñ deputatı V. Nadraga ile Aqmescit şeerinde Yağmurçı (Fontanı) mikrorayonında devlet büceti sayesinde 930 kişilik mektebinde qurulması işleriniñ yekünlenme meselesini muzakere etti. Bu mektepte bu yerge yaqın olğan, sürgün etilgenlerniñ kompaktlı yaşağan dört yerniñ balaları oquycaq.

Bu obyektniñ para ile teminlenmesi hususında mesele 2012 senesi birinci çeriginiñ Devlet bücetiniñ yerine ketirilmesiniñ neticelerine köre baqılacaq. Bularnıñ episi sürgün etilgenlerniñ kompaktlı şekilde yaşağan yerlerniñ abadanlaştırılması ve olarnıñ içtimaiy-medeniy inkişafı içün büyük yardım olur.

QHA