açıq mektüp

11.05.20160:19

Ukraina Prezidenti Viktor Yanukoviç,

Ukraina Nazirler şurasınıñ reisi Nikolay Azarov,

Qırım Muhtar Cumhuriyeti Nazirler Şurasınıñ reisi Vasiliy Cartığa

Biz, Ukraina ekspert birliginiñ vekilleri, al-azırda qırımtatar tilinde çıqqan eki gazetadan ‘Qırım’ gazetası ağır vaziyette bulunğanı sebebinden sizge muracaat etemiz.

22 yıl evel, 1989 senesi 7 iyül künü 1944 senesi cinayetli sürgünlikten soñ ilk sefer qırımtatar tilinde ‘Qırım’ gazetası çıqtı. 1991 senesinden başlap gazeta qırımtatarlarınıñ avdeti ve abadanlaşmasına ayırılğan cumhuriyet büceti sermiyasından temin oluna. Yılnıñ başında borclar ep arttı.

2004 senesi gazetanı devlet bücetine keçirseler bile vaziyeti pek eyileşmedi. Maddiy destekniñ miqdarı artqanı içün gazeta aftada eki kere çıqmağa başladı.

2011 senesi yanvar ayından gazetanıñ maddiy teminlevi aman -aman toqtadı demek mümkün. Bücet sermiyasından gazetağa közde tutulğan 375 biñ grivnadan soñ 7 ay devamında bir kapik bile tölenmedi.

‘Qırım’ gazetası tahminen 4 biñ qırımtatar qorantasında milliy mühitni saqlamasına hızmet etmekte.Qırımtatar tili YUNESKO tarafından yoq olayatqan tiller cedveline kirsetilgenini közge alğanda gazetanıñ emiyeti daa çoq arta.

Etnik matbuatı, ayrıca da sayısı çoq olmağan halqnıñ matbuatı biznez-leyha şeklinde çalışa bilmez.Etnik matbuatına destek- dünya ve avropa ameliyatıdır. Ukrain devleti da bir sıra qanunlarda milliy tillerde çıqqan devriy neşirler destegini kefil ete.

‘Qırım’ gazetası çıquvınıñ devam etilmesi meselesiniñ musbet çezilmesinde siziñ destek ve yardım kötermeñizni rica etemiz. Eminmiz ki, böyle qarar Ukraina devletiniñ nufus ve şerefine ait iştir.

Natalã Belitser, Pilip Orlik adına Demokratiya institutınıñ eksperti.

Gulnara Bekirova, QMPÜ tarih kafedrasınıñ ocası.

Yevgeniy Zaharov, Harkov huquqqoruyıcı gruppasınıñ reis muavini, ‘Memorial’ halqara teşkilãtınıñ idare azası,

İosif Zisels, Ukraina milliy cemiyetler Kongressiniñ vitse-prezidenti(Harkov)

Mihaylo Gonçar, ‘NOMOS’ merkezi (Aqyar)

Yuliya Tişçenko, Ukraina siyasiy araştırmalar mustaqil merkeziniñ grajdanlıq cemiyeti programmalarınıñ reisi.

Lilã Bucurova, serbest jurnalistler Qırım assotsıatsıyasınıñ reisi (Aqmescit)

 

İgor Semivolos, yaqınşarq tedqiqler merkeziniñ icra müdiri(Kiyev)

Sergey Danilov, yaqınşarq tetqiqler merkezi (Kiyev)

Tatyana Horunjaya, ‘Forum natsıy’(Milletler forumu)gazetasınıñ baş redaktorı

Olga Duhniç, V.İ.Vernadskiy adına TMÜ-niñ umumiy psihologiya kafedrası ve siyasiy ilimler ve halqara munasebetler kafedrasınıñ ocası.

İrina Brunova-Kalisetskaya, psihologiya ilimler namzeti, TMÜ umumiy psihologiya kafedrasınıñ üyken ocası, silãlı tartışmalarnıñ aldını aluv boyunca Global işbirlik Şarq- Avropa ağınıñ ‘Barışıq qurulışı’ aqıntısınıñ koordinatorı.(Aqmescit)

İgor Todorov ,professor (Donetsk),

Gülnar Nazarova, ‘Prava lüdını’(‘İnsan haqları’) Çernovetsk vilãyet cemaat teşkilãtınıñ yolbaşçısı.

Miroslava Antonoviç, İnsan haqlarını qorçalav halqara Merkeziniñ müdiri, ‘Kiyev-Mogilãn akademiyasınıñ’ halqara huquq kafedrasınıñ müdiri(Kiyev).

Kirilo Bulkin, ‘Mamay’ teşkilãtı (Kiyev)

Sergey Kulik, ‘NOMOS’ analitik merkezi (Aqyar)

Svetlana Dubina, ‘ Vis’ informatsıon- maarif merkezi’niñ idare reisi.

Viktor Puşkar, psihologiya ilimler namzeti,

Andriy Didenko, Harkov huquqqoruyıcı gruppası programmalarınıñ koordinatorı.

Bogdan Kostük, jurnalist, Avropa jurnalistler Asotsıatsıyasınıñ azası,

Natalya Poznãk-Homenko, jurnalist(Kiyev)

Artur Rudzitskiy, Avropa Jurnalistler Assotsıatsıyasınıñ prezidenti (Kiyev)

Dmitro Gorbaçöv, sanatşınaslıq namzeti, professor.