Ukraina ve Türkiye viza rejiminiñ lâğu etilmesi aqqında añlaştılar

11.05.20160:19

Ukraina ve Türkiye viza rejiminiñ lâğu etilmesi aqqında añlaşma işini başladıladılar, dedi Ukraina Prezidenti Viktor Yanukoviç Türkiye baş naziri Recep Tayip Erdoğan ile körüşken soñ.

Türkiye baş naziri qayd etti ki, viza rejiminiñ lâğu etilmesi aqqında añlaşmanıñ azırlanması readmissiya (bir devletniñ başqa devlette sürgünlikke oğratılğan öz vatandaşını öz territoriyasına qabul etmek razılığı) aqqında añlaşmanıñ azırlanmasınen aynı vaqıtta yapılacaq. “Bu sualni (viza rejiminiñ lâğu etilmesi) readmissiya aqqında añlaşmanen birlikte inkşaf etecekmiz, ve bu saadaki bütün qonuşmalarnı tez vaqıtta keçirmelimiz”, — dedi ükümet başı.

Hatırlatayıq, daa 2010 senesi dekabrde Ukraina TİN’de Türkiye ile viza rejiminiñ lâğu etilmesi aqqında şübe ile seslene ediler.

 

Hususan, ukrain diplomatları köstere ediler: Ukraina ve Türkiye arasında vizalarnıñ lâğu etilmesi Türiyeden Avropa Birligine qanunsız migrantlar sayısını arttırır, neticede bu esnas em Ukraina, em Türkiyeniñ Avropa integratsiya perspektivalarına menfiy taraftan tesir eter.

Evelde Türkiye 30 künge Türkiyege kelgen ukrainler içün vizanıñ lâğu etilmesi, eki ayğa kelgenler içün ise 55 yevro fiyatındaki vizanıñ kerekli elçilikte alınması teşebbüsinde bulunğan edi.

Şimdiki vaza rejimine köre, ukrainler Türkiyege kelgeninen 3 ayqa qadar ülkede bullunmaq aqqını bergen 30 dollar fiyatında viza almalılar.