Manipulâtornıñ açuvı

11.05.20160:19

Vitaliy Portnikov

Ukraina Prezidenti memuriyetiniñ yolbaşçısı Sergey Lövoçkin Qırımtatar Milliy Meclisniñ yolbaşçısı Mustafa Cemilevniñ devlet başı ile körüşüvde iştirak etmemek qararına hatalı adım ve siyasetçilik olaraq qıymet kesti. Memur ibarelerni seçmedi: Cemilevniñ körüşüvde işitrak etmemesini o, konfrontatsiya ve yalan siyaseti, insan añlarınen oyun vastası ile öz yerinde qalmaq ıntıluvı dep, adlandırdı ve qayd etti ki, bu ıntıluvlarğa irişilmez.

Lövoçkünniñ açuvını añlamaq mümkün. Memur olaraq, esas vazifesi –prezidentniñ işini teminlemek, obrazlı aytqanda – prezident körüşüvleri vaqtında temiz suv olmalı ve devlet başı içün vesiqalarda ariflerniñ kerekli kölemi. Lövoçkin, memuriyet yolbaşçısı vazifesinde ondan evel olğan insanlar kibi, özüni siyasiy erbap olaraq saya.

Cemilev öz red etüvinen prezident memuriyetiniñ yolbaşçısı tarafından yahşı etip planlaştırılğan kâğıt dekoratsiyasını bozdı, onıñ maqsadı qırımtatar temsilcileri nasıl etip prezidentni diñlegenlerini ve, ebet, ne prezidentke, ne Qırım akimiyetine itirazları olmağanını köstermek edi.

Cemilevniñ körüşüvde olmağanı aksini kösterdi – em Qırımnıñ yañı yolbaşçılığı, em Kiyevdeki akimiyet qırımtatar halqınen konstruktiv dialog qurmağa istemey, onıñ isteklerini diñlemey, onıñ meselelerini ögrenmege tırışmay – tek dülber televizion resim yaratmağa istey. Tahminen Rusiye qomşularımız kibi – Rusiye yolbaçşılığınıñ Şimal Kavkaz boyunca seyahatlarını çıqarıp, köstereler – bu, havflı regionda yahşı bir şeyler yapmaqtan daa da müimdir.

 

Qırım, çoq şükür, daa havflı region degil. Amma ola bile, eger Kiyevde yarımadağa tek yañı akimyet içün para tapılğan ve prezidentniñ raatlanğan yeri olaraq davransalar. Qırım – tek kurort degil. Bu, iqtisaidy, siyasiy, etnik meselelerniñ birleşken yeridir.

Bu meselelerni Kiyevde ve Aqmescitteki akimiyet qırımtatarlarnen işbirlik tutsa, çezebilir – aksi alda bir vaqıtları Ukraina bu yerlerni coyar ya da bu yer Ukraina içün daimiy davalar menbası olur. Añlaşıla ki, cep içitmaiy teşkilâtlar qurulmasınen dialog qurulmaz – bu sade şeylerni ne içün añlatmaq kerek bile añlaşılmay.

Onıñ içü Sergey Lövoçkinniñ Mustafa Cemilevniñ areketlerine kesken qıymeti, birinciden, prezident memuriyeti yolbaşçısınıñ özüne aittir. Çünki Cemilev yerini tutmay, o, endi bir qaç kere meclis yolbaşçılığından ketmege istedi, ve onda yer degil de, yıllarnen qazanğan namdır. Lövoçkinde ise – yer, onı tuta – em de bu yer – bugün Ukraina ve prezidentini bağlağan yekâne şeydir.

İnsan añlarınen proraganda dekoratsiyalar yaratıluv usulınen prezident memuriyetiniñ yolbaşçısı oynamağa tırışa. Ve razım ki, bu ıntıluvlarğa irişmez: bir kün prezident aqiqaten ne olıp keçkenini añlamağa mecbur olacaq – ve tek Qırımda degil, cemiyet ise prezident aqiqatınıñ seviyesini ve onıñ memuriyet yolbaşçısınıñ kompetentligini añlar. Bundan qaçınmaq imkânsızdır.

www.newsru.ua