Qara deñiz yalısında

11.05.20160:19

Yaltada başlanğan “Qara deñiz yalısında” VI Halqara bala sanatlar festivali bütün Ukraina, Belorusiya, Çin, Tatarstan, Yamalo-Nenets muhtariyeti, Qaraçay-Çerkesiyadan ve Rusiyeniñ başqa yerlerinden 300’den ziyade iştirakçilerni topladı. Teşkilâtçılarnıñ malümatına köre, festivalnıñ maqsadı – isitdatlı yaş icracılarnıñ icadına qol tutmaq ve icadiy qazançlarnen halqara seviyede paylaşmaq. İcracılar klassik, halq ve estrada muzıkası janrlarında yarıştılar. Seyirciler çeşit halqlarnıñ muzıkasını, hor yırlarını, vokal, müellif yırnı, bediy oqumanı diñlediler, horeografiyanı, moda teatrni, tsirk ve original janrda köstermelerni seyir ettiler.

 

Festival programmasında kollektivler ve solo icracılar çıqışta bulundılar, eñ yahşı kollektivlerniñ gala-kontserti keçirildi. Qırımdan “Fidanlar” bala ansambli – bediy reberi Ali Alimov, çıqışta bulundılar, kollektiv 1 yerni qazanıp gala-kontsertte de iştirak etti. Ruslan Mustafayev “Kavkaz eskizleri” oyun kompozitisyasınen Festivalde Gran-pri qazandı, vokal kategoriyasında birinci yerni “Bülbüller” ansamblinden Remziye Ablâmitovanıñ talebesi qazandı, bu kategoriyada 100’den ziyade iştirakçi yarıştı.