YERLİ MECLİSLER SAYLAVLARI DEVAM ETMEKTE

11.05.20160:19

Yerli meclisler saylavlarınıñ azırlanması ve teşkil etilmesi boyunca komissiyanıñ 2010 senesi 12 mart künü qararına köre, nevbetteki regionlarda yerli meslisler saylavlarınıñ künleri belgilendi:

2 mayıs 2010 senesi – Sudaq ve Seyitler regionları,

8 mayıs 2010 senesi – İçki ve Kerç regionlarında.

Belli olğanı kibi, milliy öz-özüni idare etüv organlarınıñ saylav tarihinde ilk kere yerli meclisler azaları umumiy, musaviy ve doğru saylav aqqı esasında gizli rey berüv ile saylanalar.

  Yerli meclisler saylavlarınıñ azırlanması ve teşkil etilmesi boyunca komissiya er bir saylavcını – belgilengen yerlerde yaşağan qırımtatarlarnı ve olarnıñ aile azalarını saylav esnasınıñ bütün basamaqlarında – namzetler belgilenmesi, uçastka saylav komissiyalarnıñ şekillenmesi, saylavcılar cedveliniñ tizilmesi, rey berüv — faal iştirak etmege çağıra.

Aşağıda Yerli meclisler saylavlarınıñ azırlanması ve teşkil etilmesi boyunca komissiyanıñ tasdiqlanğan taqvim planları ile qararlar metinlerini beremiz.

 Belgilengen regionlardaki saylavlarınıñ keçirilmesi ve azırlanmasınen bağlı bütün sualler boyunca saylavcılar yaşağan yerlerindeki yerli territorial saylav komissiyalarına ya da Yerli meclisler saylavlarınıñ azırlanması ve teşkil etilmesi boyunca komissiyağa muracaat etile bile: 95000, Aqmescit ş., Jidkova soq., 40; 51-02-94; 25-83-43.  E-mail:  saylav2008@gmail.com

 

Komissiya kâtibi Zair Smedlâyev