Seytler ve İçki regionı qırımtatarlarnıñ konferentisyası

11.05.20160:19

İçki regionı qırımtatarlarnıñ konferentisyası

7 avgust künü İçki regional meclisiniñ reisi saylanuvı boyunca İçki regionı qırımtatarlarnıñ konferentsiyası keçirildi. Konferentsiya işinde 2010 senesi 12 iyun künü doğru gizli rey berüv ile saylanılğan yerli meclislerniñ 84 azasından 52 azası iştirak etti. Konferentsiya işini Qırımtatar Milliy Meclisi Kâtibliginiñ yolbaşçısı, Yerli meclisler saylavlarınıñ azırlanuvı ve teşkil etilüvi boyunca komissiyanıñ kâtibi Zair Smedlâyev alıp bardı, konferentsiya işinde Qırımtatar Milliy Meclisiniñ azası Mustafa Salmanov ve Qırımtatar halqı qurultaynıñ delegatı Lenur Memedlâyev de iştirak ettiler.

Konferentsiya qararına köre İçki regional meclisniñ reisini saylamaq içün konferentsiya delegatları sayısından Abibullayev Zeki ve Suleymanov Apmecit namzetler olaraq tevsiye etildiler. Gizli rey berüvni keçirgen soñ İçki regional meclisniñ reisi olaraq Suleymanov Apmecit saylanıldı. Regional meclisi reisiniñ tevsiyesine köre İçki regional meclisi terkibine Abibullayev Zeki, Kurbanov rustem, Malla Smail ve Şuyayev Yakub kirsetildiler.

Konferentsiya bitkeninen regional meclisniñ azaları QMC Yuqarı Şurasına, yerli şuralarğa ve köy, qasaba ve şeer başları saylavlarına dair suallerni muzakere ettiler.

 

Seytler regionı qırımtatarlarnıñ konferentsiyası

8 avgust künü Seytler regional meclisiniñ reisi saylanuvı boyunca Seytler regionı qırımtatarlarnıñ konferentsiyası keçirildi. Konferentsiya işinde 2010 senesi 2 mayıs künü doğru gizli rey berüv ile saylanılğan yerli meclislerniñ 86 azasından 55 azası iştirak etti. Konferentsiya işini Qırımtatar Milliy Meclisi Kâtibliginiñ yolbaşçısı, Yerli meclisler saylavlarınıñ azırlanuvı ve teşkil etilüvi boyunca komissiyanıñ kâtibi Zair Smedlâyev alıp bardı, konferentsiya işinde Qırımtatar Milliy Meclisiniñ azası Apmecit Suleymanov iştirak etti.

Konferentsiya qararına köre Seytler regional meclisniñ reisini saylamaq içün konferentsiya delegatları sayısından Mamedlâyev Lenur, Memetov Reşat, Niyazov Refat, Salmanov Mustafa ve Hayretdinov Dilâver namzetler olaraq tevsiye etildiler. Gizli rey berüvni keçirgen soñ Seytler regional meclisniñ reisi olaraq Salmanov Mustafa saylanıldı. Regional meclisi reisiniñ tevsiyesine köre Seytler regional meclisi terkibine İsmetullayeva Venera, Mamedlâyev Lenur, Temirov Rustem, Umerova Elmira, Hayretdinov Dilâver ve Huramov Bahrom kirsetildiler.

Konferentsiya delegatları ve regional meclisniñ azaları olacaq QMC Yuqarı Şurasına, yerli şuralarğa ve köy, qasaba ve şeer başları saylavlarına dair suallerni muzakere ettiler.