Мы прощаемся с Ахмедом Ихсаном Къырымлы

11.05.20160:19

Из Анкары пришла печальная весть: на 92 году жизни скончался Ахмед Ихсан Къырымлы.

Активный участник национального движения, он всю сознательную жизнь мечтал видеть Крым и его коренной народ процветающим и делал для этого все возможное. Председатель общества турецко-украинского содружества, на протяжении последних 24 лет возглавлял Общества взаимопомощи и культуры крымских татар в Турции, ярый патриот, уважаемый Ахмед-бей покинул этот бренный мир.

С того момента, как Ахмед эфенди узнал о депортации своих соотечественников и до последнего вздоха он был в национальном движении, выполняя роль глашатая проблем крымскотатарского народа для мировой общественности.

В многочисленных международных конференциях он не уставал говорить о том геноциде крымскотатарского народа, которая является преступлением по отношению ко всему человечеству.

Дед Ахмеда Ихсана Къырымлы Аксеит Мемет эфенди в Крыму в страшные годы по окончании Крымской войны, точнее в 1862 году, отправляет свою семью в Турцию, чтобы защитить ее от колониального плена. Сам же остался в родном Эфендикое.

С тех пор семья обосновалась и пустила корни в Турции. Здесь 23 апреля 1920 году в районе Меджидие города Балыкэсир появился на свет Ахмет Ихсан. 1937 году он закончил среднеобразовательную школу в Балыкэсире и поступил в стамбульский колледж для изучения английского языка. Успешного, усердного в учебе Ахмеда принимают на медицинский факультет Стамбульского университета. Талант Ахмед-бея проявился не только в учебе, но и в общественной деятельности: в студенческие годы он возглавлял ряд студенческих организаций.

Закончив университет, отслужив в армии, педиатр по специальности Ахмет Къырымлы проходит практику в одной из известных клиник Лондона. Для усовершенствования своих знаний в 1950 году он отправился в Соединенные Штаты Америки. Здесь он три года проработал в различных клиниках, больше двух лет преподавал в медицинском центре имени А.Эйнштейна.

И в Англии, и в Америке Ахмед бей активно участвовал в работе организаций турецкой диаспоры. За усердие и самоотверженность, активную деятельность Ахмед Къырымлы удостоился звания почетного председателя крымскотатарского общества в Америке.

В Турцию он возвращается опытным врачом и общественным деятелем. Он работает по своей специальности в Балыкэсире, занимается политической деятельностью.

В 1961 году Ахмед Ихсан Къырымлы избирается депутатом Турецкого национального собрания от партии Справедливость и в течение 16 лет является народным представителем и членом Комиссий по международным отношениям и национальной Обороне. 1973-1974 гг. занимает должность Министра Туризма Турецкой республики.

В 1987 году Ахмед Ихсан Къырымлы возглавляет Общество культуры и взаимопомощи крымских татар в Турции.

Благодаря ему Турцию из Крыма посещают деятели искусств и демонстрируют свое творчество. Крымским студентам, обучающимся в Турции, в течение 16-17 лет предоставляется помощь. Помощь оказывается и национальным школам, и отдельным соотечественникам.

В этой самоотверженной деятельности вклад Ахмед-бея огромен. Мы искренне благодарны ему за его неоценимый труд.

Его в крайней степени благородные деяния, речи, направленные на сохранение единства народа, развитие культуры, всегда будут жить в наших сердцах. Его имя увековечат в названиях улиц, сел Крыма.

По случаю кончины верного сына своего народа Ахмеда Ихсана Къырымлы выражаем глубокие соболезнования его семье: супруге Чичек-ханым, сыновьям Хакан и Джиана беям, другим родственникам и близким.

Меджлис крымскотатарского народа

Муфтият Крыма

Крымскотатарские общественные организации

________________________________________________________________________________________

Анкарадан, къальплеримизни сынъырсыз кедер иле сарып алгъан, къафаларымызны инанмамакъ алында туткъан къара хабер кельди – 92 яштаки Ахмет Ихсан Къырымлынынъ юреги урувдан токътады.

Арамызны миллий арекетимизнинъ энъ корюмли эрбапларындан бири, Къырым ве онынъ асыл халкъы-эвляды чечекленмесини корьмек даима арзу эткен эм де бунынъ узеринде омюри девамында усанмастан чалышкъан, Тюрк-украин достлукъ джемиетининъ реиси, сонъки 24 сене ичинде Къырым Тюрклери Культур ве Ярдымлашма Дернеги башы олмасыны озюнинъ энъ шерефли вазифеси, деп сайгъан атешин ватанпервер ве буюк инсан терк этти.

 

Ахмет эмдже дешетли сюргюнлик акъкъында эшиткенинден башлап, сонъ нефесинедже къырымтатар халкъынынъ миллий меселесини имкяны олгъан ерде ве даиреде къоймагъа, анълатмагъа, джемаатчылыкънынъ дикъкъатыны онъа джельп этмеге, мунасебетини бильдиртмеге ве башкъа арекетлер япмагъа тырышты.

О, 1949 сенеси Ингильтереде, 1950-1957 сенелери Америка Къошма Штатларында ве дигер мемлекетлерде отькерильген нуфузлы конференцияларда чыкъышлар япып, 1944 сенеси миллетимизе къаршы япылгъан джинает – инсаниетликке къаршы япылгъан джинаеттир, геноциддир, деп анълатты.

А. Къырымлы Тюркие девлет эрбабы олгъан йыллары чешит халкъара тедбирлерде къырымтатарларгъа нисбетен япылгъан акъсызлыкъларны ачыкълады. Сонъки йыллары да о, аза олгъан Демократия ве Азатлыкъ Бутюндюнья Иттифакъы адлы тешкилятнынъ топлашувларында, мушаверелеринде миллий меселемиз акъкъында эеджаннен тарифлемекте эди.

Ахмет Ихсан Къырымлынынъ дедеси – Багъчасарай улемаларындан олгъан Акъсеит Мемет эфенди – Къырым дженкинден сонъ фена, мудхиш йылларда, даа догърусы 1861 сенеси, къорантасыны мустемлеке эсиринден къуртармакъ ичюн Тюркиеге озгъарыр экен, озю догъмуш Эфендикойге къайтаджагъыны бильдире эм де: "Мен мында къаладжам. Этим-кемигим топракъ оладжакъ. Узеримде отлар чыкъаджакъ. Оларнынъ къокъусына торунларым бурая келеджек…", дей.

Бойлеликнен, къоранта Тюркиенинъ баты топракъланына келип, тамыр ата ве 1920 сенеси чечек айы (апрель) 23-куню мында, Балыкъэсир шеэрининъ Меджидие мааллесинде дюньягъа Ахмет Ихсан келе. 1937-сенеси о, Балыкъэсирде орта тасиль мектебини битирип, Истанбулда инглиз тилини огренмек макъсадынен колледжге кире. Мувафакъиетли окъув, темелли азырлыкъ нетиджесинде Ахмет Ихсан Истанбул университетининъ тиббият факультетине къабул олуна. Мында о, тек илимде дегиль, джемаат фаалиетинде де озь истидатыны косьтере ве бир сыра студент тешкилятларынынъ ёлбашчысы ола.

Университетни битирип ве ордуда борджуны одеп, бала хасталыкълары боюнджа мутехассыс олгъан А. Къырымлы Лондонда намлы бир клиникада амелият кече. Зенаатнынъ мукеммель саиби олмакъ ёллары 1950 сенеси оны Америка Къошма Штатларына кетире. Учь йыл о, мында чешит клиникаларда чалыша, эки йылдан зияде А. Эйнштейн адына Тиббият Меркезинде оджалыкъ япа.

Ингильтереде де, АкъШда да Ахмет эмдже Тюрк студентлери ве Тюрк диаспорасы тешкилятларынынъ ишинде фааллик косьтере, етекчилерден бири ола. О, Америкада Къырымтатар Джемиетининъ чалышмаларына да озь салмакълы иссесини къоша. А. Къырымлынынъ ярдымы ве хызметлери о дереджеде ола ки, оны Америкадаки семетдешлеримиз сонъра бу Джемиетнинъ Фахрий реиси сайлайлар.

Тюркиеге о, буюк теджрибели эким ве джемаат эрбабы оларакъ къайта. Зенааты боюнджа Балыкъэсирде чалыша, сиясий фаалиет алып бара, Демократик фиркъанынъ виляет болюгине реберлик япа.

1961 сенеси Ахмет Ихсан Къырымлы Адалет фиркъасындан Тюркие Буюк Миллий Меджлисининъ депутаты сайлана ве 16 йыл девамында халкъ векили, Миллий Мудафаа ве Халкъара мунасебетлер боюнджа Комиссияларынынъ азасы ола. 1973-1974 сенелери Тюркие Джумхуриетининъ Туризм Везири вазифесини эда эте.

Бу алий дереджели, месуль вазифелерде Ахмет эмдже эалининъ сагълыкъ сакълавы ве дигер муим меселелернен багълы чокътан-чокъ конференцияларнынъ марузаджысы ола, халкъара корюшювлер, музакерелер ве лейихаларда иштирак эте. О, Джавахарлал Неру, Индира Ганди киби бир сыра дюньяджа белли сиясетчилер ве девлет эрбапларынен шахсен таныш эди.

1987 сенеси Ахмет Ихсан Къырымлы бундан 32 йыл эвель мейдангъа кетирильген Къырым Тюрклери Культур ве Ярдымлашма Дернегининъ ёлбашчысы ола. Бундан сонъ, дернекнинъ фаалиети баягъы джанлана ве семерелеше, чюнки онынъ башында гъает зенгин сиясий ве девлет идареджилик теджрибенинъ саиби турмакъта.

Тюркиеге Къырымдан юзлернен ватандашларымыз, энъ-эвеля санатчыларымыз барып, андаки байрамларда, медений тедбирлерде миллий дегерликлеримизни нумаиш этелер. Тюркиенинъ алий окъув юртларында окъугъан талебелеримизге 16-17 йылдан берли дестек япыла. Миллий мектеплеримизге баягъы къол тутула. Ватандашларымызгъа чешит сааларда башкъа ярдымлар этиле.

Бу сонъусыз ишлерде, умумен, халкъымызнынъ Ватанына къайтмасы ве ерлешмесинде дернекнинъ эм де шахсен Ахмет эмдженинъ иссеси къоджаман олды. Биз онъа теменна этемиз ве озь сынъырсыз тешеккюрлеримизни бильдиремиз.

Ахмет Ихсан Къырымлы торун борджуны ерине кетирди – дедеси Акъсеит Мемет эфенди мезары чечеклерининъ къокъусына сесленди, кельди. Онынъ сонъ дереджеде алидженап ватанпервер ишлери, миллетимизнинъ бирлик-бераберлигине догърулангъан сёзлери ве арекетлери къальплеримизде ве халкъмызнынъ хатырасында даима яшаджакътыр. Онынъ ады Къырым койлери, шеэрлери сокъакъларында ве дигер ляйыкъ ерлерде мытлакъ эбедийлештириледжектир.

Миллет огърунда буюк хызметлер этип, буюк яшкъа еткен сафдашымыз Ахмет Ихсан Къырымлынынъ вефат этюви мунасебетинен онынъ къорантасына – омюр аркъадашы сайгъылы Чичек ханымгъа, огъуллары Хакъан ве Джихан бейлерге, торунларына ве дигер акърабаларына самимий тазиемизни бильдиремиз ве баш сагълыгъы тилеймиз.

Эльвида, бизим чокъ къыйметли эмджемиз!

Алла рахмет эйлесин!

Къырымтатар Миллий Меджлиси.

Къырым Муфтийлиги.

Къырымтатар джемаат тешкилятлары.