“Türkvizion”da qırımtatar yıqcısı üçünci yerni qazandı

11.05.20160:19

“Türkvision” vokal konkursında Ukrainadan qırımtatar medeniyetini taqdim etken iştirakçi Fazile İbraimova “Elmalım” qırımtatar halq yırını icra etip, üçünci yerni qazandı.

Birinci yerni — Azerbaycanlı yırcı Farid Gasanov, ekinci yerni Belorusiyadan kelgen Güneş qazandılar.

Yarışta qırımtatar medeniyetni üç iştirakçi taqdim etti.

Qırımdan “Türkvizion”da “Meydan-FM” klipler yarışınıñ ğalibi ve Qırımdaki seçüv turınıñ birinciligini qazanğan Elvira Sarıhalil iştirak etti. Ondan da ğayrı, qırımtatarlarnı yarışta Romniydaki qırımtatar diasporasınıñ iştirakçisi Kutlakay Cengiz-Erhan taqdim etit.

Umumen vokal yarışında 24 ülkeden 24 yırcı iştirak etti. 12 finalist sırasına Ukraina vekili Fazile İbraimova da kirdi.

Yarışınıñ halqara jüri terkibine gitarcı-virtuoz Enver İzmaylov, qırımda belli prodüser Seyran Mambetov ve Qırım medeniyet naziriniñ sabıq muavini, “Türkvizion” leyhasınıñ müdiri İsmet Zaatov da kirdiler, haber ete “15 minut”.

“Türkvizion-2013” finalına Özbekistan, Kazahstan, Türkiye, Belorus, Azerbaycan, Bosniya ve Gertsegovina, Tataristan, Şimal Qıbrıs, Qırğızıstan, Altay ve Kosovo temsilcileri kirdiler.

Hatırlatamız ki, bu yıl Fazile İbraimova Seyran Mambetov ve İsmet Zaatovnıñ teşkil etken “Şarq bazarı” yarışınıñ gran-prisini qazandı.