Quşaqlarda milliy “Küreş”

11.05.20160:19

“Tezis” neşriyat evi (müdiri Ediye Muslimova) “Qırımtatarlarnıñ milliy küreşi” oquv qullanmasını çıqardı, müellifleri – Bahtiyar Asanov ve Seydamet Yağyayev.

22 fevral künü QMPU’de oquv qullanmanıñ taqdimnamesi olıp keçti.

Küreşniñ tarihı çoq asırlar evelsi başlay. Küreşniñ usulları vaqıt keçkeninen deñişe ediler, amma öz unikal ananesini coymadı.

Amma küreşniñ sport çeşiti olaraq saqlanmasınen beraber küreş urbasınıñ tiklenilmesi de pek müimdir.

Eñ büyük mesele şunda ki, o vaqıttaki küreş urbası aqqında iç bir malümat yoq. Biz endi tek bir şey yapa bilemiz – eksperimental şekilde bu sport çeşitine uyğun kelgen, küreşçilerge kelişken urbanı işletmege tırışmaq.

Alğan malümatqa ve küreşçilerniñ isteklerine esaslanıp, biz böyle erkek sport kostümini yaptıq:

 

Erkek sport kostümi kölmek, ştan ve quşaqtan ibaret. Tevsiye etilgen kumaç – daa çoq sırf lifli, amma poliuretan lifleri (material elastik olması içün) ve poliefir lifleri de olmalı (bürüşmesin dep). Küreş urbası içün pamuq-kâğıt qumaçları kelişe, çünki ava keçire, terni özüne siñdire, pek qaviy, yarıqqa dayanıq.

Küreş kölmegi bol, eki taraflı – yeşil ve mavı tüste.

Ögniñ bir qısmı ve arqası bütün piçilgen. Ögniñ merkeziy qısmında sol tarafından tamğa nağışlanğan, arqasından ise küreşçilerniñ tutuşuvını köstergen emblema yer ala. Belinde quşağı bar. Yeñniñ uzunlığı s.

Küreş ştanlarıpek uyğun piçilip, küreşçilerniñ areketlerine keder etmeyler. Tizleri de pek qaviy. Ştanlarnıñ da quşağı bar.

Ayrı piçilip tikilgen küreş quşağı da bar, 4 qatlı, bütün uzunlığı boyunca 4 tikiş, qaviyligi içün, çünki tamam oña yükniñ eñ büyük faizi tüşe. Onıñ keñligi – 4-5 sm, uzunlığı – 2ÇS+20 sm tüyüm bağlamaq içün.

Riana ADABAŞ

QMPU. “Tikiş tehnologiyası” kafedrası