Qırım medreseleri tadebelerni davet ete

11.05.20160:19

2015 senesi iyün 14-ten sentâbr 14-ke qadar Qırım musulmanları diniy idaresiniñ Qalay erkek ve qız yüksek islâm ilimleri medresesi ve Eski Qırım erkek hafızlar medresesine abituriyentler qabul etilecek.

Qalay medresesine 9-cı sınıf bitirgen oğlan ve qızlar, Eski Qırım medresesine ise, 7-ci sınıf bitirgen oğlanlar davet etile.

Oquv internat şeklinde 3 yıl devam ete. Medreselerde oquv, yaşama ve aş (künde 5 kere) bedavadır. Medreselerde kompyuter sınıfları, sport meydançıqları, kitaphaneler bar.

Talebeler em diniy bilgi alıp, em de umumtahsil mektebinde oqup, mektep ve diniy tahsil boyunca diplom alacaqlar.
Medreselerge kirmek içün imtiandan degil de, subetten keçmek kerek. Subetten keçken abituriyentler 2015 senesi avgust 29-da medresege vesiqalarnen kelmek kerek.
Kerekli vesiqalar:
— pasport ya da doğuv şeadetnamesi;
— fotoresim 3h4 (4 dane);
— 086/u tıbbiy malümat kâğıtı (spravka);
— aşılama cedveli.
Qalay erkek ve qız medresesiniñ adresi: Canköy rayonı, Mayskoye köyü, Gasprinskiy soqağı, 1. Malümat içün telefon: +7(978) 0488548, +7(978) 0490932, +7(978) 8559799.
Eski Qırım erkek medresesiniñ adresi: İslâm-Terek rayonı, Eski Qırım şeeri, Polina Ösepenko soqağı, 76. Malümat içün telefon: +7(978) 7237303, +7(978) 8516353, +7(978) 0410335.