Qırım deputatı her ihtimalğa qarşı ATR yolbaşçılığına mesuliyetliklerini hatırlattı

11.05.20160:19

Devlet Şurasınıñ İnformatsıon siyaseti, bağ ve kütleviy kommunikatsıyalar komitetiniñ başı Sergey Şuvaynikov Kiyevden öz işini devam etmege başlağan ATRıñn jurnalistleri haberlerni obyektiv tarzında bereceklerine inanmay.

Onıñ fikrine köre, ATR jurnalistleri Qırımda çalışsalar bile, olar Kiyevniñ rehberligi ve tevsiyeleri altında çalışacaqlar.
Bu sebepten, deputat, ATR jurnalistleri, ya da yolbaşçıları tarafından rusiye qanunları bozulğan alda, mesuliyetlik çekeceklerini hatırlattı.

AN KRIM bildirgenine köre, Komitet başı ATRnı daa seyir etmese de, telekanalğa nisbeten bayağı sualler peyda olğanını qayd etti.

“ATR öz işini Kiyevden başlağanı kanal içün yahşı. Amma qıymet kese bilmek içün eñ azdan eki yayinni seyir etmek kerek. Siyasetçi ve mutehassıs olaraq ATRniñ işini körmek menim içün pek meraqlı,” — dedi deputat.