Qırımnıñ saylav komissiyası neticelerni ilân etti

11.05.20160:19

Qırımnıñ saylav komissiyası neticelerni ilân etti

QMC YŞ’na 37 siyasiy küçten tek altı partiyanıñ temsilcileri keçe bildiler: Regionlar Partiyası, Ukrainanıñ kommunistik partiyaıs, Narodnıy Ruh Ukrainı (Ukrainanıñ Halq Ruhı), Soyuz, Russkoye Yedinstvo ve Silnaya Ukraina partiyaları.

RP Qırım ükümetinde 100 deputat yerinden 80’ni qazandı (48 mandatnı majoritar sisteması boyunca, 32 partiya cedvelleri boyunca qazandı), Soyuz 5 yer qazandı (2 mandat – majoritar, 3 – partiya cedvellerinden), UKP ve Ruh beşer yer qazandılar, Russkoye yedinstvo 3 yer aldı, Silnaya Ukraina – 2.

21,8 biñge yaqın bülleten qabul olunmadı. Qırımda saylavlarda 1 mln. 522 saylavcıdan 730 biñge yaqın insan iştirak etti.

Qarasuvbazar şeeriniñ başı A.Kangiyev oldı

Devamlı sayılmalardan soñ belli oldı ki, Qarasuvbazar şeeriniñ başı vazifeisne Albert Kangiyev saylanıldı, o, Narodnıy Ruh Ukrainı rayon teşkilâtından çıqartılğan edi.

İlmi Umerovge azçıq yetmedi

Bahçisaray rayonındaki birmandatlı 29 saylav okrugı boyunca Qırım Muhtar Cumhuriyeti Yuqarı Şurasınıñ deputatına namzet, Bahçisaray RDM yolbaşçısı İlmi Umerovge regionlı opponentini yeñmek içün 120 rey yetişmedi.

Umerovnıñ yeñilmesi bu okrugda USDP ve Sotspartiyadan daa eki qırımtatar öz namzetliklerini çıqarğanınen bağlıdır, umumen bu eki namzet Umerovg yetişmegen 230 rey aldılar.

Sadıh Tabah Aqmescitniñ şeer şurasına keçti

Bir mandatlı okrug boyunca Aqmescit şeer şurasınıñ deputatına namzet Sadıh Tabah saylavcılarnıñ 1500 reyini alıp, saylavlarda ğalebe qazandı. Sadıh beyniñ sözlerine köre, baş opponenti – Regionlar partiyasından namzet – 371 rey qazandı.

HRU cedveli boyunca Seytumer Berberov da kene şeer şurasınıñ deputatı oldı.

Qırım ükümetinde kvotalar olmacaq

Qırım Nazirler Şurasınıñ reisi Vasiliy Cartınıñ sözlerine köre, Qırım ükümeti şekillenmesiniñ evelde qullanılğan kvota printsipi başqa qullanılmacaq.

Qırımtatar halqı vekilleri içün Qırım ükümetinde kvota berilmesi aqqında jurnalistlerniñ sualine cevap bererek, Vasiliy Cartı qayd etti ki, kvotalar ne bir de bir partiya, ne bir de bir millet mensüpligine köre berilmecek.

Rada Cartığa Qırım toprağına aqqını keñleştirmek istey

Ukraina halq deputatları Qırımda topraq idaresine dair bazı qanun leyhalarına deñişmeler kirsetilmesi aqqında qanun leyhasını esas olaraq qabul ettiler.

Haberge köre, qanun leyhası boyunca Qırımnıñ Nazirler Şurası topraq qullanıluvını belgilemek ve deñiştirmek, topraq prevaizatisyası boyunca qararlar çıqarmaq, daimiy qullanuvğa, kirağa topraqlarnı bermek, devlet topraqlarnı satılmaq aqqını qazana. Em de Qırım ükümetine devlet ve kommunal topraqlarnıñ sıñırlamaq, orman, tedaviylev, rekreatsion ve başqa maqsadlar ile qullanılğan topraqlarnıñ işletilmesi boyunca akimiyetniñ yerli qurumlarınıñ qararlarını qabul etmek aqqınıñ berilmesi de teklif etile.

QHA malümatları boyunca