Afta haberleri

11.05.20160:19

Qırım ‘Ukrain Antaliyasına’ çevirilecekmi?

Vitse baş-nazir-Ukraina infrastrukturasınıñ naziri Boris Kolesnikov akimiyet Qırımnıñ ğarp tarafında Türkiyedeki Antaliyağa teñ kelgen kurort meydanğa ketirmek niyetleri olğanını bildirdi. Bu aqta o Saq rayonını ziyaret etken vaqtında aytqan edi.

-Biz Qırım yalı boyundaki vaziyetini terenden ögrendik. Bilgeniñiz kibi, anda topraq satın alınğan ve büyük levhalarnı amelge keçirmek ğayet zordır. Yarımadanıñ ğarbiy tarafında vaziyet yengilce ve biz anda Antaliyağa oşağan leyhanı ömürge keçirmek niyetindemiz. Bu yerde biñ gektarda tahminen yüz musafirhane, eglence zonası ve halqara aeroportınıñ yerleştirilmesi közde tutula. Regionda 10 yıl içersinde turistlerniñ miqdarını yılda 20 millionğace kötermek maqsadını tutamız. SSSR vaqtında Qırımnı eñ çoq 10 million ziyaret etken edi.

Ukraina ve Türkiye arasında vizasız rejimniñ keçirilmesi aqqında qonuşmanı başladılar.

Ukrina çetel işler Nazirliginde Ukraina ve Türkiye Cumhuriyeti vatandaşlarınıñ eki taraflama vizasız keçüv aqqında añlaşmanıñ ilk adımı atıldı.

Añlaşmalar neticesinde Ukraina Prezidenti çetel işler Nazirligi, iç işler nazirligi, infrastrukrura nazirligine qabul olunğan añlaşmalarınıñ amelge keçirilüvini tayin etmek ve Ukraina nazirler Kabineti ve Türkiye Cumhuriyetiniñ akimiyeti arasında eki devletniñ vatandaşlarına vizasız keçüvleriniñ şartları aqqında añlaşmanı işlemege avale etti.

 

Türkiye Ukraina tarafından teklif etilgen leyha redaktsıyasını közge alıp, onıñ ilerideki işlemesini eñ yaqın zamanda amelge keçirmege azır olğanını bildirdi.

Repatriantlar toplu yaşağan yerlerde kanalizatsıon ağlar ve yollar yoq.

18 aprel künü informatsıya boyunca Cumhuriyet komitetinde ‘ QMC milletlerara munasebetler ve sürgün etilgen vatandaşlarnıñ işleri boyunca 2011 senesiniñ ilk çerigi için iş neticeleri ve QMC iqitsadiy ve içtimaiy inkişafınıñ strategiyasını amelge keçirüv planı’ mevzusında matbuat-konferentsıya olıp keçti.

Milletler komitetiniñ reisi Edem Dudakovnıñ aytqanına köre, QMC-de etnikara barışıqnı temin etüvi boyunca kontseptsıya leyhası işlengen edi. ‘Mezkür vesiqa milletlerara munasebetler saasında esas qaideler toplamı ve çeşit etnik gruppalar ve medeniyetlerniñ vekilleri arasında tolerantlı munasebetlerniñ şekillenmesi içün temel olması kerek’, -dedi Dudakov.

Matbuat konferentsıyasında qayd etilgeni kibi, 1991 senesinden başlap devlet, 1999 senesinden ise Qırım Muhtar Cumhuriyetiniñ bücetinde sürgün etilgen vatandaşlarnıñ abadanlaşuvına 1259,2 mln. grv miqdarından sermiyalar közde tutulğan. Bu sermiyalarğa 456,1 biñ m² ev, 1202,6 km. elektrik ağlar, 894,2 km. suv ağları, 486,8 km. gaz ağları, 113,3 km. yol, 9 mektep ve diger obyektler quruldı ve satın alındı. Böyle etip, bugünge Qırımda repatriantlarnıñ, şu cümleden ermeni, yunan, bulğar, almanlarnıñ 300 yaqın toplu yaşağan yeri ve köyleri şekillendi. Olardan üçte eki qısmı suvnen, 87% elektoenergiyanen temin etilgen. Gaz ile teminlev sadece 25 faizini teşkil ete. Kanalizatsıya ağları ve yollar aman-aman yoq derecededir.