Дорога, ведущая к джами… Художник Сулейман Гезлевли
Байрам миллетимизге козьайдынлар кетирсин!
Сайгъылы ватандашлар!
Джумленъизге мукъаддес ве айдын Къурбан байрамы хайырлы олсун!
Бу байрам, Юдже Аллагъа олгъан итаат ве седждеден гъайры, О, ёллагъан сынавлардан О, истегени киби – шерефли кечмекнинъ темсили ве ифадесидир.
Сынавлар бизим такъдиримиз экен, Алла Тааля олардан халкъымызгъа акъикъатен де къолайлыкънен ве дегерликнен къуртулмасыны насип эйлесин.
Байрам эр бир къорантамызгъа гузеллик, муаббетлик, барлыкъ, инсанларымызгъа сагълыкъ-селяметлик, бахт-сеадет, миллетимизге бирлик-бераберликни пекитип, козьайдынлар кетирсин!
Чалынгъан къурбанлар ве эткен дуаларымызны Юдже Раббимиз къабул этсин!
Миллий Меджлис азалары
