Kefedeki platan alleyasında qazılğan çuqurda qırımtatar tilinde vesiqalar ile tolu qadimiy seyf tapıldı.
Vesiqalarnı öz közünen körgen şeer sakinleri, vesiqalarnı yel yol boyu darqatqanı aqqında ikâye ettiler. Vesiqalarnıñ bir qısmını çuqur yanından keçken insanlar toplap oldılar.
Çuqurnı qazğan işçilerniñ aytqanına köre, bazı kâğıtlarnıñ kenarları yanğan, bazıları ise – güzel alda ediler. Olarnıñ fikirince, kâğıtlar Qırım sakinleriniñ emek ya da bank defterçikleri ediler. Vesiqalarnı yoldan keçken insanlar alıp ketken. Qadimiy eşyalar müzeyiniñ hadimlerini vesiqalar tapılğan yerge çağırmağanlar, dep bildire Kafanews.
