Qırımtatar yigiti Yaponiya çempionatınıñ eñ yahşı 8 küreşçisi sırasına kirdi

08.11.201616:50
эльдар исмаилов, киокушин-каратэ

Kiokuşin karate boyunca aqaylar arasında Yaponiya 48-ci absolüt çempionatında Ukrainanı temsil etken Eldar İsmailov turnirniñ eñ yahşı 8 küreşçisi sırasına kirdi.

Noyabr 6-da Tokio şeerinde dünyada eñ prestij ve küçlü kiokuşin karate turnirlerinden biri yekünlendi.

Ukrainanı temsil etken üç sportçudan top-8 cedveline tek Eldar İsmailov kirip oldı. Bu turnirde oña büyük ümüt beslengen edi.

Eldarnıñ köstergen neticesi daa yahşı olması mümkün edi. Lâkin, birinci kün sportçunıñ ayağı yaralandı, amma o, yarışnıñ ekinci künge keçip oldı.

«Final künü Eldar içün pek ağır edi. Oña yahşı etip çalışmağa bermegen ayaq ağrına baqmadan, o, eñ yahşı yapon küreşçilerinen küreşip oldı», – dep bildire «Kiokuşin-karate dünyasınıñ haberleri» neşri.

İşbu netice, ukrain kiokuşin içün eñ yahşı ve yekâne ola. Bu, Ukrainağa ketken Yaponiya absolüt çempionatınıñ ilk medali ola.

eldar-ismailov2

эльдар исмаилов кикушин-каратэ

eldar-ismailov1

 

Автор: Редакция Avdet

Редакция AVDET